Manel Martines

Xose Manuel "Manel" Martinez Bel (1992-yil 25-martda tug'ilgan) - ispaniyalik futbolchi. Hujumchi apmulasida o'ynaydi.

Faoliyati

Kataloniyaning Barselona shahridagi Cabrera de Mar shaharchasida tug'ilgan Manel o'z faoliyatini UE Kornella jamoasida boshladi. U 2011-yilda klubdagi debyutini o'tkazdi va keyinchalik CD Masnou jamoasiga o'tdi.

2012-yilda, CE Europa jamoasida qisqa muddat to'p surdi. Keyinchalik Manel chet elga ko'chib o'tdi va o'qish paytida Virjiniya Hamdo'stlik universitetining VCU Rams jamoasiga qo'shildi. 2013-yil 17-iyun kuni u Milliy Premer-Liga klubi RVA FC bilan shartnoma imzoladi va jamoa bilan chempion bo'ldi.

2015-yil yanvar oyida Manel o'z vataniga qaytib keldi va hali ham to'rtinchi divizionda bo'lgan CE Sabadell FC B bilan shartnoma imzoladi. U 16-iyunda shartnomasini 2017-yilga qadar uzaytirdi. Mavsum davomida 18 o'yinda 13 ta gol urib, 31-dekabrda asosiy tarkibga ko'tarildi. CE Sabadell FC B Manel bilan shartnomasini yana bir mavsumga uzaytirdi.

2016-yilning 22-iyulida Manel Segunda Divizionining “Girona FC” klubiga qo‘shildi. Ammo 18-avgust kuni uchinchi diviziondagi “UE Llagostera” jamoasiga bir yilga ijaraga berildi. Mavsum davomida 14 ta gol urdi. Keyingi mavsum Lorka FKga ijara asosida qo'shildi va klubga pley-off o'yinlarida yordam berdi.

Manel o'zining professional debyutini 2017-yilning 18-avgustida o'tkazdi va o'z maydonida Cultural y Deportiva Leonesa jamoasi bilan 2:0 hisobida g'alaba qozondi. 2018-yil 11-yanvarda u klub bilan shartnomasini tugatdi va "Girona FC"ga qaytdi.

2018-yilning 17-iyulida Manel uchinchi diviziondagi Real Mursiya bilan shartnoma imzoladi Keyingi mavsumda Manel Marbella FC ga qo'shildi. 2021-yilgi mavsumda Surxon (futbol klubi) bilan shartnoma imzoladi.

Shaxsiy hayoti

Manel "Barselona" ning sobiq himoyachisi Manoloning o'g'li hisoblanadi.

Mukofotlari

RVA FK

Manbalar

uz.wikipedia.org