Malayziya — Avstriya munosabatlari
Avstriya va Malayziya oʻrtasida ikki tomonlama tashqi aloqalar mavjud. Avstriyaning Kuala-Lumpurda elchixonasi, Penang va Tavau shaharlarida 2 ta konsulligi bor hamda Malayziyaning Vena shahrida elchixonasi bor.
Tarixi
Mustamlaka davri
Ikki davlat oʻrtasidagi munosabatlar tarixi 1866-yilda Avstriya imperiyasi davrida, imperator Frans Iosif Penangda imperator-qirollik faxriy konsulligi ochilishini maʼqullagan paytda sodir boʻlgan. Biroq, 1914-yil avgust oyida Buyuk Britaniya Avstriya-Vengriya imperiyasiga qarshi urush eʼlon qildi. Shundan soʻng Avstriya konsulligi yopildi va Avstriyaning Penangdagi oxirgi konsuli Buyuk Britaniya maʼmuriyati tomonidan hibsga olinib, Avstraliyaga deportatsiya qilindi.
Avstriya-Germaniyaning Gonkongdagi konsuli Baron fon Overbek Gonkongdagi amerikalik savdogar Jozef William Torrey tomonidan Borneoning shimoli-gʻarbiy sohilidagi hududni boshqarishga nomzod sifatida koʻrsatildi. Keyin Fon Overbek Bruney Temenggong tomonidan berilgan imtiyozni va 1878-yil 22-yanvarda Sulu sultonligidan shunga o‘xshash kelishuvni yangilash uchun Bruneyga jo‘nab ketdi. Overbek keyinchalik 1879-yilda provinsiyani boshqarish uchun Alfred Dentni tanladi.
Hozirgi munosabatlar
Avstriya birinchi rasmiy diplomatik munosabatlarni 1962-yil 6-avgustda oʻrnatdi. 1967-yilda Avstriya Kuala-Lumpurda oʻzining Faxriy konsulligini taʼsis etdi va 1973-1974-yillarda Kuala-Lumpurda Avstriya elchixonasi, Vena shahrida Malayziya elchixonasi ochildi.
Iqtisodiy munosabatlar
2005-yilda Malayziya va Singapur Avstriyaning asosiy savdo sherigi boʻlib, Malayziya Avstriyaning Janubi- Sharqiy Osiyodagi eng muhim hamkoriga aylangan. Avstriyaning Malayziyadagi asosiy sarmoyasi asosan energetika va tabiiy resurslar sektorlariga toʻgʻri keladi. 2009-yilda moliyaviy inqiroz savdo aloqalariga taʼsir koʻrsatdi, savdo ishlari 30 foizga qisqargan. Ammo keyinchalik Avstriya Prezidenti Haynts Fisherning 2011-yildagi tashrifidan keyin yaxshilandi. 1976-yildan buyon ikki davlat oʻrtasida bir qancha shartnomalar imzolangan.
Adabiyotlar
Manbalar
uz.wikipedia.org