Maksim Spodiriyev
Maksim Spodiriyev (ukraincha: Максим Сподирєв; 1993-yil 29-dekabrda tugʻilgan) — Polsha va Ukraina vakili sifatida muz ustida raqs musobaqalarida qatnashgan sobiq muz raqqosi. Konkida uchish boʻyicha sherigi Natalia Kaliszek bilan birga Xalqaro konkida uchish ittifoqi tomonidan oʻtkazilgan Challenger musobaqalarida medallarni qoʻlga kiritgan, shu jumladan 2017 CS Tallinn Trophy musobaqasida oltin medal sohibi boʻlgan va sakkiz marta Polshaning milliy chempioni unvonini qoʻlga kiritgan. Juftlik Polsha vakili sifatida 2018 va 2022-yilgi qishki Olimpiya oʻyinlarida, shuningdek, Yevropa va Jahon chempionatlarida ishtirok etishgan. Juftlik oʻsmirlar darajasida 2015-yilgi Oʻsmirlar Jahon chempionatida kuchli oʻntalikka kirishgan.
Spodiriev faoliyatining boshida Ukraina vakili sifatida konkida uchgan. U 2014-yilda Polsha terma jamoasi safida musobaqalarda qatnasha boshlagan.
Faoliyati
2014 — 2015-yilgi mavsum
Spodyriev 2014-yilda Polsha vakili sifatida Silviya Novak-Trębacka murabbiyligida mashgʻulot oʻtovchi polyak muz raqqosasi Natalia Kaliszek bilan birga musobaqalarda qatnasha boshlagan. Juftlik oʻzining xalqaro debyutini Volvo Open Cup musobasida oʻtkazgan va oʻsmirlar oʻrtasida kumush medalni qoʻlga kiritgan. Kattalar darajasiga koʻtarilib, Santa Claus Cup musobaqasinda oltin medalni qoʻlga kritishdan oldin Challenger Series (CS) turnirida ishtirok etib, oltinchi oʻrinni egallagan. Juftlik 2014-yilning dekabr oyida Four Nationals musobaqasida Polsha milliy chempionligini qoʻlga kiritgan va keyingi oy boʻlib oʻtgan Toruń Cup turnirida bronza medali bilan taqdirlangan.
2015 — 2016-yilgi mavsum
Kaliszek / Spodyriyev juftligi 2015 — 2016-yillarda oʻtkazilgan Challenger seriyasining uchta musobaqasida qatnashgan. Birinchi Nebelhorn Trophy musobaqasida yettinchi oʻrinni egallaganidan soʻng, Mordovian Ornament turnirida bronza medalni qoʻlga kiritgan. Juftlik Warsaw Cup musobaqasida ham qatnashib, kumush medal bilan taqdirlangan. Juftlik Challenger seriyasining umumiy reytingida uchinchi oʻrinni egallagan.
2020 — 2021-yilgi mavsum
Kaliszek / Spodyriyev juftligi Stokgolmda boʻlib oʻtgan 2021-yilgi Jahon chempionatida ishtirok etishdan oldin yana toʻrtta milliy chempionatda gʻolib chiqqan va Jahon chempionatida oʻn ikkinchi oʻrinni egallagan. Bu natija juftlikka Polsha vakili sifatida 2022-yilgi Qishki Olimpiya oʻyinlarida ishtirok etish uchun yoʻllanma bergan.
Juftlik 2022-yil 16-iyul kuni musobaqalarni tark etishlarini eʼlon qilishgan.
Dasturlari
Kaliszek bilan
Natijalari
GP: Gran-pri ; CS: Challenger seriyasi ; JGP: Oʻsmirlar oʻrtasidagi Gran-pri
Kalishek bilan Polsha vakili sifatida
Manbalar
uz.wikipedia.org