Lyutoslavskiy Vi Told

LYUTOSLAVSKIY (Lutoslawsky) Vitold (1913.25.1 — Varshava — 1994) — polyak kompozitori, dirijyor, pianinochi. Shvetsiya Qirollik musiqa akademiyasi aʼzosi (1962), zamonaviy musiqaning Xalqaro jamiyati vitse-prezidenti (1965-yildan), Varshava universiteti va boshqa oliy oʻquv yurtlari doktori (1973). Varshava konservatoriyasining fortepiano (1936) va kompozitsiya (1937) sinflarini tugatgan. 1962-yildan Yevropa va Amerika mamlakatlarida kompo-zitsiyadan dare bergan. Ilk asarlari neoklassitsizm uslubiga yaqin. "Sileziya triptixi" (1951), Orkestr uchun konsert (1954) va boshqa asarlarida polyak folklorniy zamonaviy kompozitorlik uslublari bilan bogʻlagan. B. Bartok xotirasiga bagishlangan "Motam musiqasi" (1958), "Venetsian oʻyinlari" (1961), "Anri Mishoning 3 poemasi" (1964), "Orkestr uchun kitob" (1968), 3 simfoniya (1947—84)si va boshqa mashhur. Aleatorika, nazoratli dodekafoniya, sonoristika va boshqa zamonaviy uslublar asosida yaratilgan asarlari teran maʼnosi, musiqa tilining oʻziga xosligi, orkestr vositalarining yorqinligi, kompozitsion mukammalligi bilan ajralib turadi. Polsha davlat (1952, 1955, 1964), YUNESKOning Xalqaro musiqa kengashi (1983, 1985), Xalqaro kompozitorlar minbari (1959, 1964, 1968, 1985) mukofotlari laureati.

Manbalar

uz.wikipedia.org