Litvinova, Olga Ivanovna

Olga Ivanovna Litvinova (1967-yil 2-aprel, Toshkent, Oʻzbekiston SSR, SSSR) — oʻzbekistonlik oʻqituvchi va davlat arbobi. Oʻzbekiston Respublikasi Oliy Majlisi Qonunchilik palatasi deputati. Fan, taʼlim, madaniyat va sport masalalari qoʻmitasining aʼzosi. Oʻzbekiston Ekologik partiyasining aʼzosi.

Hayoti

Olga Litvinova 1967-yil 2-aprel Toshkent shahrida tugʻilgan. Millati — rus.

1989-yilda Toshkent pedagogika universitetini tugallagan. 1989-yilda 166-maktabda oʻqituvchi boʻlib ishlay boshlagan.

2003—2004-yillarda 166-sonli oʻrta maktabning direktor oʻrinbosari sifatida ish olib borgan. 2004-yilda ushbu maktab direktori etib tayinlandi.

Mukofotlar

2004-yilda Olga Litvinova „Oʻzbekiston Respublikasi xalq taʼlimi aʼlochisi“ unvoniga sazovor boʻlgan.

2011-yilda u „Doʻstlik“ ordeni bilan taqdirlangan.

2018-yilda Olga Ivanovna navbatdagi „Oʻzbekistonda xizmat koʻrsatgan yosh ustoz“ faxriy unvoniga sazovor boʻlgan.

Manbalar

uz.wikipedia.org