Lenin haykali Smolensk

Vladimir Il’ich Lenin haykali — 1967-yili Smolenskning markaziy maydonida (Lenin nomidagi) oʻrnatilgan yodgorlik.

Joylashuvi va tashqi koʻrinishi

Yodgorlik Sovetlar uyi old tarafidagi Lenin maydonida joylashgan. Haykal maydonning gʻoyaviy va kompozitsion markazi hisoblanadi. Yodgorlik qizil granitdan, poydevori esa sayqallangan bloklardan yasalgan. Uning umumiy balandligi 9 metr. Haykalning balandligi 6,5 metr. Leninning toʻliq boʻy-bastli haykali uncha baland boʻlmagan tagkursiga pogʻonali stilobat bilan oʻrnatilgan. Yodgorlikdagi Lenin shamolga qarshi yurgan holda tasvirlangan: uning paltosi ochiq va yoqasi yuqoriga koʻtarilgan. Yodgorlikning umumiy plastikligi baquvvat va umumlashtirilgan, katta silliqliklarga ega. Poydevor oʻtkir assimetrik boʻrtmalarga ega monolit granit blokidir. Tagkursiga „V. Ulyanov (Lenin)“ deb oʻyib yozilgan.

Tarixi

Yodgorlik 1967-yili, Oktabr inqilobining 50 yilligini nishonlash munosabati bilan oʻrnatilgan. Yodgorlikning haykaltaroshi Lev Kerbel, meʼmori Boris Tor edi.

Ushbu yodgorlik Rossiyaning madaniy merosi yodgorligi hisoblanadi. U Rossiya Federatsiyasi Madaniyat vazirligining axborot veb-saytida 6710012000 raqam bilan qayd etilgan.

Manbalar

Adabiyotlar

uz.wikipedia.org