Lee Savold
Lee Savold (ing.Lee Hulver (Savold) 22.03.1915-14.05.1972)-amerikalik ogʻir vazn toifasidagi bokschi.195-yil 22-martda AQSHning Minnesota shtatining Kanbi shahrida tugʻilgan.1950-1951-yillar oraligʻida ogʻir vazn toifasida jahon chempionatining Britaniya va Yevropa (EBU) boʻyicha janglar oʻtkazgan va 1940-yillarda va 1950-yillar boshlarida chempionlikka yetakchi daʼvogar boʻlgan.Faoliyati davomida u ogʻir vazn toifasi chempionlari Jou Lui va Rocky Marsiano bilan jang qilgan.Savold 2012-yilda Minnesota boks shon-shuxrat zaliga kiritilgan.
Savold boks tarixidagi barcha ogʻir vazn toifasidagi chempionlar orasida eng koʻp jang oʻtkazgan va gʻalaba qozongan bokschidir.
Shaxsiy hayoti
Savold Minnesota shtatining Kanbi shahrida tugʻilgan (uning tugʻilganligi yaqin atrofdagi Marshall shahrida qayd etilgan). Uning ota-onasi norvegiyalik fermerlar edi.Yoshligida u ot minib, oilasiga tegishli chorva mollarini boqib yurgan.
Qachondir u bufetchi, yoʻl ishchisi va chorvachilik fermeri ishchisi edi.1943-yilda u dengiz savdogarlariga qoʻshildi va Murmanskka bir nechta savdo safarlarida qatnashdi. Boksdan nafaqaga chiqqanidan soʻng, u operativ muhandislar uyushmasining 825-sonli mahalliy jamoasida ishladi.
Boksdagi faoliyati
1940-yil 16-sentabrda Lee Savold 1-raundda Andy Milerni nokaut qildi (1:43).Ring yonida boʻlgan sobiq ogʻir vazn toifasi chempioni Jek Dempsi jangdan soʻng Savoldga ogʻir vazn toifasida Ayova shtati chempionati kubogini topshirdi.
1942-yil 25-mayda u Lou Novani sakkizinchi raundda nokautga uchratganligi, „The Ring“ jurnali tomonidan"Yil mag'lubiyati" deb topildi.
1948-yil 19-martda Lee Savold Madison Square Gardenda italiyalik Jino Buonvinoni nokautga uchratib, asosiy vaqtda eng tez nokaut boʻyicha rekord oʻrnatdi.U autsayder edi va toʻpigʻidan jarohat olgan Jo Baksi oʻrniga bor-yoʻgʻi 48 soat ichida almashtirilgan edi.Rekord Gerry Cooney 1981-yilda Ken Nortonni magʻlub etib rekordini yangilaguncha saqlanib qoldi.Nihoyat 2007-yilning 10-martida Sulton Ibragimov Xavyer Morani 46 soniyada magʻlub etganida xozircha oxirgi yangilangan rekord boʻlib turibdi.
1950-yil 6-iyunda u Bryus Vudkokni toʻrtinchi raundda magʻlubiyatga uchratib,Jahon ogʻir vazn toifasi unvonining EBU versiyasini qoʻlga kiritdi.Savold 1948-yildagi birinchi himoya uchrashuvida magʻlub boʻldi.
1951-yil 17-iyun kuni u Jo Lui bilan jang qildi, bu birinchi professional sovrinli jang boʻlib, televideniyada teatrlarga olib koʻrsatildi.U oltinchi raundning 2 daqiqa 29 soniyasida nokautga uchradi.Garchi chempionlik unvoni uchun jang boʻlmagan boʻlsada, bu bahsdan soʻng EBU Savoldni „jahon“ chempioni sifatida tan olishdan voz kechdi.
Oʻzining soʻnggi jangida u 7 raund jang qildi va 1952-yil 13-fevralda afsonaviy bokschi Rocky Marsiano tomonidan texnik nokautga uchradi.
Manbalar
uz.wikipedia.org