Lee Joo-yeon

Li Joo-yeon (1987- yil 19-martda tugʻilgan), ilgari Jooyeon nomi bilan tanilgan, janubiy koreyalik aktrisa va qoʻshiqchi. U „After School“ qizlar guruhining sobiq aʼzosi sifatida tanilgan. „After School“ni tark etgach, u birinchi navbatda aktrisalikka eʼtibor qaratgan. U „Smile Again“ (2010) dramasida aktrisalik debyutini qilgan va oʻshandan beri boshqa dramalarda bir necha bor ishtirok etgan.

Faoliyati

2007-yilda Jooyeon "My Tutor Friend 2 " filmida Azumi sifatida kameo rolini ijro etgan. Jooyeon debyutidan oldin internetda „Ulzzang“ yoki „eng yaxshi yuz“ sifatida mashhur boʻlgan, bu uning tabiiy goʻzallik xususiyatlari bilan ommaga tanilganidanidan dalolat beradi. U 2008-yil 29-dekabrda „SBS“ telekanalining qoʻshiq festivalida „After School“ bilan birinchi norasmiy chiqish qilgan holda, Son Dam-bi bilan „Play Girlz“ qoʻshigʻini ijro etgan.

2015-yil yanvar oyida, „After School“dagi faoliyatini bitirgach, Jooyeon aktrisalik faoliyatini davom ettirish uchun „Better ENT“ kompaniyasi bilan shartnoma tuzgan. U oʻzining yangi kompaniyasi ostida birinchi marta "Sorry, I Love You, Thank You" filmida Jung Xe-mi rolini ijro etgan. Oʻshandan beri u bir qancha dramalarda, jumladan, „All Kinds of Daughters-In-Law“ serialida suratga tushgan.

2017-yilda Li „The King“ kriminal filmida va „Saimdang, Memoir of Colors“ tarixiy dramasida aktrisa sifatida rol ijro etgan. 2018-yilda Jooyeonning „Better ENT“ bilan shartnomasi tugagan va u yangi agentlikni qidira boshlagan. Keyinchalik u „Mystic Story“ kompaniyasi bilan shartnoma tuzgan. Oʻsha yilning oxirida Jooyeon „The Undateables“ va „Devilish Charm“ filmlarida yordamchi rollarni ijro etgan.

2021-yil 27-mayda Lee „C-JeS Entertainment“ bilan shartnoma tuzdi.

Manbalar

uz.wikipedia.org