Kyoko Ina

Kyoko Ina (yaponcha: 伊奈恭子; 1972-yil 11-oktyabrda tugʻilgan) — Yaponiya va Amerika vakili sifatida musobaqalarda qatnashgan figurali uchuvchi. Sherigi John Zimmerman bilan birga 2002-yilgi Jahon chempionatining bronza medali sovrindori va uch karra (2000 — 2002) AQShning milliy chempioni boʻlgan. Bu juftlik 2002-yilgi Qishki Olimpiya oʻyinlarida ham ishtirok etgan. Avvalgi sherigi Jason Dungjen bilan Ina ikki karra (1997 va 1998) AQSh chempioni bo‘lgan va 1994 va 1998-yilgi Olimpiada o‘yinlarida ishtirok etgan.

Faoliyati

Ina uch yoki toʻrt yoshida „Rockefeller“ markazida konkida uchishni boshlagan. U Yaponiya vakili sifatida oʻsmirlar safida yakka holda va juftlikda konkida uchgan, ammo keyinchalik faqat Amerika Qoʻshma Shtatlari vakili sifatida musobaqalarda bellashishga qaror qilgan.

Ina 1998-yilda John Zimmerman bilan juftlik hosil qilgan. Dastlab ularga Piter Berrouz va Mary Lin Gelderman Nyu-Yorkning Monsi shahrida murabbiylik qilishgan va juftlik Tamara Moskvinaning murabbiyligida mashgʻulot oʻtash uchun Konnektikut shtatidagi Stamfordga koʻchib oʻtishgan. Keyinchalik ular Nyu-Jersi shtatining Xakensak shahrida Moskvina va Igor Moskvin qoʻl ostida mashq qilishgan.

Juftlik uch marta AQSh chempionatida gʻolib chiqqan va 2002-yilgi Qishki Olimpiya oʻyinlarida qatnashishgan. Ular 2002-yilgi Jahon chempionatida bronza medalini qoʻlga kiritdilar.

Ina va Zimmerman koʻp yillar davomida „Stars on Ice“ shoularida konkida uchishgan. 2010-yilda Ina Kanadada oʻtkazilgan Batle of the Blades realiti-tanlovining ikkinchi mavsumida qatnashgan va sobiq hokkey oʻyinchisi Kelly Chase bilan juftlik hosil qilgan.

Hozirda Ina Nyu-Yorkda murabbiylik qilmoqda.

Ina 2018-yilda AQSh figurali uchuvchilari shon-shuhrat zaliga kiritilgan.

Kyoko Ina

Faoliyati

Dasturlari

Zimmerman bilan

Natijalari

Zimmerman bilan

Manbalar