Kseniya Stolbova

Kseniya Andreyevna Stolbova (ruscha: Ксе́ния Андре́евна Столбо́ва; 1992-yil 7-fevralda tugʻilgan) — juftlikda konkida uchish musobaqalarida qatnashgan rossiyalik sobiq figurali uchuvchi. Fyodor Klimov bilan juftlikda Olimpiya chempioni (jamoaviy turnir, 2014-yil), Olimpiya kumush medali sovrindori (juftlikda konkida uchish, 2014-yil), uch karra Rossiya chempioni (2014, 2015, 2017), Jahon (2014) va Yevropa (2014, 2015, 2018) chempionatining kumush medali sovrindori boʻgan. Stolbova 2020-yil 12-fevralda sportdagi faoliyatini tark etishini eʼlon qildi.

Shaxsiy hayoti

Kseniya Andreyevna Stolbova 1992-yil 7-fevralda Rossiyaning Sankt-Peterburg shahrida tug‘ilgan. U Sankt-Peterburgdagi Lesgaft jismoniy tarbiya akademiyasida tahsil olgan.

Faoliyati

Kseniya Stolbova birinchi mavsumida Fyodor bilan birgalikda oʻsmirlar oʻrtasidagi Gran-pri finaliga yoʻllanma oldi va 7-oʻrinni egalladi. Keyin ular oʻsmirlar oʻrtasidagi Rossiya chempionatida gʻolib chiqdilar va oʻsmirlar oʻrtasidagi jahon chempionatining bronza medallarini qoʻlga kiritdilar.

2010 — 2011-yilgi mavsumda juftlik oʻsmirlar oʻrtasidagi Gran-prining ikkala bosqichida ham gʻalaba qozonishdi hamda finalga chiqishdi va finalda ikkinchi oʻrinni egallashdi. Skate America 2010 Kattalar oʻrtasidagi oʻzlarining Gran-pri debyut bosqichida juftlik 5-oʻrinni egalladi. Oʻsmirlar oʻrtasidagi Rossiya chempionatida ikkinchi marta gʻalaba qozonib, oʻsmirlar oʻrtasidagi jahon chempionati uchun milliy terma jamoaga kiritildi va chempionatda kumush medallarni qoʻlga kiritdilar.

2011—2012-yilgi mavsumda juftlik Parij (7-oʻrin) va Moskvada (4-oʻrin) boʻlib oʻtgan Gran-pri bosqichlarida chiqish qilishdi. 2012-yilgi Rossiya chempionatida ular kumush medallarni qoʻlga kiritishdi.

Kseniya va Fyodor 2014-yilda Qishki Olimpiya oʻyinlarida jamoaviy musobaqalarda chempion boʻlishdi; xususan, erkin dasturda 135,09 ochko yigʻdi va birinchi oʻrinni olib, terma jamoaga 10 ochko keltirdi. 2014-yil 12-fevralda juftlik Olimpiya musobaqasida kumush medalini qoʻlga kiritdi.

Natijalari

Manbalar

uz.wikipedia.org