Kosta Rika milliy futbol terma jamoasi
Kosta Rika milliy futbol terma jamoasi (ispancha: Selección de fútbol de Costa Rica) xalqaro futbol musobaqalarida Kosta Rika mamlakati sharafini himoya qiladi. Terma jamoa Kosta Rika Futbol Federatsiyasi (FEDEFUTBOL) tomonidan boshqariladi, federatsiya mamlakatda futbolni boshqarish uchun asosiy organdir. Ular 1927-yildan beri Xalqaro Futbol Federatsiyalari Assotsiatsiyasi (FIFA) aʼzosi, 1961-yildan beri Shimoliy, Markaziy Amerika va Karib dengizi davlatlari Futbol Assotsiatsiyalari Konfederatsiyasi (CONCACAF) aʼzosi, hamda, 1990-yildan beri Markaziy Amerika Futbol Ittifoqi (UNCAF) (Unión Centroamericana de Fútbol) aʼzosi boʻlib kelmoqda.
Kosta Rika 2003-yilgi turnirdagi gʻalabasi bilan amaldagi Markaziy Amerika chempioni boʻlib turibdi. Kosta Rika Markaziy Amerikaning eng omadli va eng koʻp sovrinlarga ega boʻlgan terma jamoadir, ular 7 marta UNCAF chempioni boʻlgan (1991, 1997, 1999, 2003, 2005, 2007, 2013-yillari). Ular shuningdek CONCACAFning 3 marta gʻolibi boʻlib omadli terma jamoalrdan bittasidir. Kosta Rika jahon chempionatlarida 4 marta ishtirok etgan Markaziy Amerikaning yagona terma jamoasidir. Kosta Rika 1806-yildan 2014-yilga qadar Elo reytingi boʻyicha Markaziy Amerika davlatlari orasida har doim yuqori pogʻonlarni egallab kelmoqda.
1980-yillarning oxirlaridan beri, Kosta Rika koʻplab nufuzli musobaqalarda koʻrina boshladi, shulardan eng asosiysi Italiyada oʻtgan FIFA Jahon chempionati 1990 urnirida ishtirok etdi va guruh bosqichini Braziliya terma jamoasidan quyi pogʻonalarda yakunlagan edi. Ular shuningdek, 2002 va 2006-yilgi jahon chempionatlarida ham ishtirok etdi. 2014-yilgi jahon chempionatida esa, Kosta Rika dunyoning 3ta sobiq chempionlari: Urugvay, Italiya va Angliyadek kuchli terma jamolarni ortda qoldirib, oʻz guruhida 1-oʻrinni egallab, tarixda eng yaxshi natijasini qayd etib, pley-off bosqichiga chiqdi. Pley-off bosqichida, Kosta Rika Yunoniston terma jamoasiga roʻbaroʻ keldi va oʻyinning asosiy vaqti 1-1 bilan tugaganda keyin, penaltilar seriyasi orqali 5-3 hisobida gʻalaba qozonib, chorak finalga yoʻllanma oldi. 2014-yil 5-iyul chorak finalda, ular Niderlandlar jamoasi bilan kuch sinashishdi va oʻyin 0-0 hisobida durang tugagandan soʻng, penaltilar seriyasida (3-4) hisobida magʻlub boʻlgan edi.
Jahon chempionatlari rekordi
* 2010 CONCACAF - CONMEBOL pley-offda Urugvay Kosta Rikani 2-1 hisobida magʻlub etgan.
Liboslar tarixi
Hozirgi tarkib
Quyidagi 23ta futbolchi FIFA Jahon chempionati 2014 musobaqasida ishtirok etgan.
Futbolchilar ishtiroki va gollar soni, 2014-yil 5-iyul Niderlanlar bilan boʻlgan oʻyingacha hisoblangan.
uz.wikipedia.org