Konstantin Kuchayev
Konstantin Vitalyevich Kuchayev (ruscha: Константин Витальевич Кучаев 1998-yil 18-martda tug'ilgan) - Rossiyalik professional futbolchi, Moskvaning CSKA klubida o'ng qanot yoki hujumkor yarim himoyachi sifatida o'ynaydi.
Jamoalardagi faoliyati
CSKA Moskva
Kuchayev oʻz faoliyatini 8 yoshida ona shahri Ryazandagi futbol maktabida boshlagan. Olti yil o'tgach, u Master-Saturn Yegoryevskga qo'shilgan va 2012-yilda Moskva viloyatiga ko'chib o'tgan. U yerda oʻynab yurgan vaqtida Kuchayev CSKAning moskvalik skauti Andrey Movsisyan koʻrib qolgan va 2015-yilda klubga qo'shilgan.
Kuchayev 2017-yilning 2-aprelida Rossiya Premer-ligasi doirasidagi “ Kriliya Sovetov Samara ”ga qarshi oʻyinda (2:1) CSKA safida debyut qilgan. Keyingi mavsumda jamoada o'zini ko'rsatib, 2017-yil 27-sentabrda Kuchayev klubdagi ilk golini urgan va UEFA Chempionlar Ligasi guruh bosqichida "Manchester United" ga 1:4 hisobida mag'lub bo'lgan CSKAning yagona goliga zaxiradan maydonga tushib mualliflik qilgan.
2017-yilning 6-may kuni Kuchayev oʻz maydonida Tulaning “Arsenal” klubiga qarshi oʻyinda (6:0) chap tizzasining xochli bogʻlamini lat yeb jarohat olgan va bu 6 oyga safdan chiqishiga sabab bo'lgan. U 2018/19-yilgi mavsumning birinchi yarmini o'tkazib yubordi va 23-noyabr kuni Axmat Grozniyga qarshi safarda 2:0 hisobida g'alaba qozongan o'yinda zaxiradan maydonga tushgan. Kuchayev, shuningdek, 2019-yilning fevralida olgan menisk jarohati tufayli oʻsha mavsumning qolgan qismini oʻtkazib yuborgan.
2020-yil 8-avgust kuni Kuchayev Rossiya Premer-ligasidagi ilk golini mavsumning birinchi kunida “ Ximki ”ga qarshi oʻyinda (2:0) kiritgan. U keyingi o'yinda ham gol urib, CSKAga VEB Arenada Tambovga qarshi 2:1 hisobida g'alaba qozonishga yordam bergan. 2020-yil avgust oyida oltita oʻyinda toʻrtta gol urgan Kuchayev Rossiya Premer-ligasida oyning eng yaxshi futbolchisi sovrinini qoʻlga kiritgan.
Rubin Qozon (ijara) 2022-yilning 26-yanvarida u 2021-22-yilgi mavsum oxirigacha sotib olish huquqi bilan “ Rubin ”ga ijaraga oʻtdi. Ijaraga kelishib olinmasidan avval Kuchayev CSKA bilan shartnomasini 2023-24-yilgi mavsum oxirigacha uzaytirilgan. "Rubin" sotib olish shartidan foydalanmagan.
Xalqaro karyera
Rossiyani turli yoshlar toifalarida himoya qilgan Kuchayev 2021- yilgi UEFA U-21 Yevropa chempionati saralash bosqichida toʻqqizta oʻyinda ikkita gol urib, jamoasiga final turniriga chiqishga yordam bergan. 2021-yilning 15-martida u turnirning guruh bosqichiga 23 kishilik tarkibga chaqirilgan. Ammo, besh kundan keyin u mushak jarohati tufayli safdan chiqgan.
2020-yil 2-noyabr kuni Kuchayev Stanislav Cherchesov boshchiligidagi Rossiya terma jamoasi tarkibida Moldova bilan oʻrtoqlik oʻyini hamda UEFA Millatlar ligasi doirasida Turkiya va Serbiyaga qarshi oʻyin uchun qaydnomaga kiritilgan. 2020-yil 12-noyabr kuni Kuchayev kattalar terma jamoasidagi debyutini Moldova bilan oʻyinda (0:0) ikkinchi taymda zahiradan maydonga tushgan.
Shaxsiy hayot
Kuchayev ilgari figurali uchuvchi Elena Radionova bilan munosabatda bo'lgan.
Karyera statistikasi
Klub
Xalqaro
Yutuqlar
Shahsiy yutuqlar Manbalar
uz.wikipedia.org