KONSEPSON — Chilining Markaziy qismidagi shahar. Bio-Bio viloyatining ma’muriy markazi. Temir yo’l tuguni. Tinch okean sohilidagi port. Aholisi 362,6 ming kishi (1997). Mamlakatning muhim transport-iqtisodiy markazi. Mashinasozlik, neftni qayta ishlash, to’qimachilik (ip gazlama, jun gazlama), oziq-ovqat (jumladan, un tortish, shakarqand, konserva) sanoatlari rivojlangan. Konsepson yaqinidan toshko’mir olinadi, metallurgiya zavodi qurilgan. Universitet bor. Shaharga 1550 yilda asos solingan. 1960 yilgi zilzilada vayron bo’lgan, keyinchalik qayta tiklangan.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish