Kompozitsiya

Kompozitsiya (lotincha: compositio — tuzilish, birlashish, bogʻlanish) — badiiy asarning mazmunan, harakteri va maqsadi jihatidan bogʻlangan qismlarining joylashishi.

Tasviriy sanʼatda—rassom (haykaltarosh va boshqa) gʻoyasini aniq ifoda etish vositasi boʻlib, unda ijodkorning mahorati yorqin namoyon boʻladi. Kompozitsiya orqali muallif chiziq, shakl, rang va obrazlarni tartibga keltiradi, fazoviy kenglikni oʻzlashtiradi va badiiy muhit yaratadi. Kompozitsiya asosini mantiqiylik, shakl aniqligi va ularning oʻzaro uygʻunligi tashqil qiladi. Ijodkor yaratgan har bir asarining asosida kompozitsiya yotadi, unda borliqni idrok etish jarayonida hosil boʻladigan fikr, his-tuygʻular oʻz aksini topadi. Kompozitsiyaning "turgʻun" va "dinamik", "ochiq" va "yopiq" xillari mavjud. Kompozitsiya tuzish maʼlum "qonun" (kanon)lar bilan belgilangan va chegaralangan. Bu esa kompozitsiya ifoda vositalarining torayishiga olib kelgan. Uygʻonish davrida "turgʻun" va "yopiq" kompozitsiya, barokko sanʼatida "dinamik" va "ochiq" K. ustuvorlik qilgan. Sanʼat tarixida qonunlarga boʻysunib yaratilgan kompozitsiyalar va erkin kompozitsion usullarga asoslanib kompozitsiya yaratish harakatlari birday muhim rol oʻynagan. Uygʻonish davrida kompozitsiyani ilmiy asoslashga intilish kuzatiladi.

Tasviriy sanʼatning har bir turi oʻziga xos kompozitsion uslublarga ega. Masalan, kitob bezagi (rasm) mahobatli devoriy rassomlik kompozitsiyasidan farq qiladi. Shuningdek, kompozitsiyani idrok qilish ham turlicha boʻlishi mumkin. Masalan, haykaltaroshlik asarlaridan relyefni faqat old tomondan koʻrish mumkin. Aksincha, mahobatli yodgorliklarni esa aylanib tomosha qilish lozim. Haykaltarosh asar yaratayotganda kompozitsiya qonunlarini eʼtiborga olishi kerak. Tasviriy sanʼatda koʻp shakl (figura)li kartina va haykallar ham kompozitsiya deb ataladi.

Meʼmorlikda — kompozitsiya (mujassamot) bino (inshoot va ularning majmualari)ning tuzilishi, vazifasi va gʻoyaviy badiiy jihatlari birligi va shaharsozlikdagi oʻrnini taʼminlashdan iborat; kompozitsiya butun bir shahar yoki meʼmoriy ansambl, alohida bino yoki inshootning tashqi qiyofasi bilan ichki xonalari, tuzilishi bilan bezaklari, rangi, loyihasi va qurilishini aniqlaydi, atrof muhit bilan uygʻunlashishi meʼmoriy kompozitsiyaga kiradi. Bu esa meʼmordan katta mahorat talab etadi.

Adabiyotda kompozitsiya — asarni badiiy shakllantirishga xizmat qiladigan turli qismlarning holati, oʻzaro bogʻliqligi, voqea, harakter-obrazlar, lirik chekinishlar, tafsilotlar bayoni va shu kabi maʼlum maqsadga boʻysundiriladi. Asar kompozitsiyasining yaxlitligi uning asosiy shartidir. Ortiqcha personaj, epizod va detallar asar qimmatini pasaytiradi. Shuning uchun ham badiiy asarda hech qanday yetishmovchilik ham, ortiqchalik ham boʻlmasligi kerak. kompozitsiyaning oʻziga xosligi syujet unsurlarining qanday tartib bilan joylashtirilishiga, syujetdan tashqari unsurlar (lirik, falsafiy-publitsistik chekinishlar, qoʻshimcha epizodlar) ning bor-yoʻqligiga, peyzaj, portret, psixologik tasvir, muallif tavsifi kabi vositalarning meʼyori va tartibiga bogʻliq. kompozitsiya yaratish usuli va uslublari turli-tuman. Qadimdan kompozitsiyani asar gʻoyasi bilan uzviy bogʻliq holda tushunib kelingan. kompozitsiya asarning shunchaki tuzilishi emas, balki shu tuzilishning maqsadi, uning nima asosida tuzilganligidir. kompozitsiya asar gʻoyasiga bogʻliq. Tanlangan obraz yoki voqea asarga kiritish uchun muvofiqmi yoki yoʻqmi — buni faqat yozuvchi aytmoqchi boʻlgan gapga nisbatan aniqlash mumkin. Bu ham kompozitsiyaning muhim bir tomoni. kompozitsiya shu jihati bilan asarda mazmunning qay darajada mazmundorligini koʻrsatuvchi muhim omillardan.

Musiqada — 1) musiqa asarining tuzilishi (qarang: Musiqa shakli); 2) kompozitor ijodining mahsuli, tugal musiqa asari; 3) koʻp ovozli musiqa asarlarini yaratish jarayoni, badiiy ijod turi; 4) konservatoriya va boshqa musiqa oʻquv yurtlarida oʻqitiladigan tarixiy-nazariy va amaliy fan. Musiqiy mavzularni yaratish tamoyillari, ularni rivojlantirishda koʻp ovozli musiqa vositalaridan unumli foydalanish yoʻllari, muayyan musiqa janri, tur va uslublarning xususiyatlari, asarlar tuzilishi va tugal shaklga keltirilishi qonun-qoidalari kabi maʼlumotlardan iborat.

Yana qarang

Manbalar

uz.wikipedia.org

Sun'iy intellekt javobi:

Kompozitsiya so‘zi san’at, adabiyot, musiqa va boshqa ijodiy sohalarda keng qo‘llaniladi va u asar tarkibini, uning qismlarining o‘zaro munosabatini, joylashishini anglatadi. Kompozitsiya tushunchasi turli kontekstlarda biroz farq qilishi mumkin, lekin uning asosiiy ma'nosi – bu asarning tuzilishi va uning elementlari orasidagi bir butunlikni tashkil etishdir.

Kompozitsiya haqida umumiy ma’lumot

Kompozitsiya so‘zi lotincha “componere” (birlashtirish, yig‘ish) so‘zidan kelib chiqqan. U asarning qismlarini mantiqan, estetik jihatdan uyg‘unlashtirish jarayonini ifodalaydi. Har qanday san’at asarida – rasmda, musiqa asarida, adabiyot namunasida yoki teatr spektaklida kompozitsiya alohida o‘ringa ega.

Kompozitsiyaning asosiy maqsadi

Kompozitsiyaning asosiy maqsadi – tomoshabin yoki o‘quvchida muayyan hissiyot, tushuncha yoki ta’sir qoldirish. Bu maqsadga erishish uchun asar elementlari o‘zaro muvofiqlikda, muvozanatda, estetik qoidalarga amal qilgan holda tashkil qilinadi.

Kompozitsiyaning turlari

Rasm va grafikada kompozitsiya
Rasmdagi kompozitsiya – formal elementlar (chiziqlar, shakllar, ranglar, yorug‘lik va soya) joylashuvi va ularning o‘zaro bog‘liqligi. Kompozitsiyadagi asosiy tamoyillar: markazlashtirish, simmetriya yoki asimmetriya, ritm, muvozanat va odamning diqqatini jalb qilish.
Adabiyotda kompozitsiya
Adabiyotda kompozitsiya – asarning boshidan oxirigacha syujet, personajlar, vaqt va makon o‘zgarishlari, dialog va tasvirlar uyg‘unligi. Bu hikoya yoki roman qanday tashkil qilingan, qaysi qismlar qanday tartibda joylashgani, harakatning rivojlanishi muhimdir.
Musiqada kompozitsiya
Musiqada kompozitsiya – notalar, qoidalar va mavzularni tartibga solish jarayoni. Muallif asarni qanday tuzadi, musiqa qaysi tartibda rivojlanadi, takrorlanish va o‘zgarishlar qanday amalga oshiriladi.

Kompozitsiya tamoyillari

Muvozanat (balans) – asarning turli qismlari og‘irlik va ko‘lam jihatidan teng taqsimlanishi.
Markazlashuv – tomoshabin e’tiborini jamlash uchun asosiy nuqta yoki element.
Ritm – elementlarning takrorlanishi va o‘zgarishi.
Birlik va uyg‘unlik – barcha qismlar o‘zaro muvofiq va bir butun bo‘lib ko‘rinishi.
Kontrast – qarama-qarshi elementlar yordamida qiziqish yaratish.

Xulosa

Kompozitsiya – har qanday ijodiy asarning muvaffaqiyati va ta’sirliligining asosiy omili. U asar mazmuni va shaklini muvofiqlashtiradi, qaralish shaklini belgilaydi, tomoshabin e’tiborini yo‘nalishda saqlaydi. Kompozitsiyani yaxshi tushunish va unga amal qilish har qanday san’at va ijodiy faoliyatda muhimdir.