Komil Rashidov

Komil Qayumovich Rashidov — oʻzbek diplomati, yuridik fanlar doktori, professor. 2013-2019-yillarda O‘zbekistonning Qirg‘izistondagi elchisi. 2012-2013-yillarda O‘zbekiston tashqi ishlar vazirining o‘rinbosari bo‘lgan.

Biografiya

1964-yil 21-yanvarda Samarqand shahrida tug‘ilgan.

1986-yilda Samarqand davlat universitetining huquqshunoslik fakultetini tamomlagan. Yuridik fanlar doktori, professor.

1986-1991 — Samarqand davlat universiteti o‘qituvchisi.

1991-1994 — Toshkent davlat yuridik instituti aspiranti.

1994-1995 — Jahon iqtisodiyoti va diplomatiya universiteti oʻqituvchisi.

1995-1997 — O‘zbekiston Respublikasi Adliya vazirligi Xalqaro huquq boshqarmasi boshlig‘i.

1997-2000 — Oʻzbekiston Respublikasi Prezidenti devonining konsultanti.

2000-yilda — Oʻzbekiston Respublikasi Oliy xo‘jalik sudi Qonunchilik va xalqaro-huquqiy munosabatlar bo‘limi mudiri.

2000-2004 — O‘zbekiston Respublikasi Oliy Majlisi Kotibiyati qo‘mitalar bilan ishlash bo‘limi mudirining o‘rinbosari.

2004-2012 — Oʻzbekiston Respublikasi Tashqi ishlar vazirligi Yuridik boshqarmasi boshlig‘i.

2012-2013 — O‘zbekiston Respublikasi tashqi ishlar vazirining o‘rinbosari.

2013-2019 — Oʻzbekiston Respublikasining Qirgʻizistondagi favqulodda va muxtor elchisi.

2019-2020 — O‘zbekiston Respublikasi Bosh vazirining maslahatchisi — O‘zbekiston Respublikasining xorijda vaqtinchalik mehnat faoliyatini amalga oshiruvchi fuqarolarning huquqlarini himoya qilish va qo‘llab-quvvatlash boshqarmasi boshlig‘i.

2020-yil 27-avgustdan hozirgacha O‘zbekiston Respublikasi Tashqi ishlar vazirligi Yuridik boshqarmasi boshlig‘i lavozimida ishlab kelmoqda.

Oilasi

Oilali, ikki farzandi bor.

Qizi — Saida Rashidova, bolalar yozuvchisi, tarjimon va bloger

Manbalar

uz.wikipedia.org