KOLORADO
KOLORADO — shimoliy Amerikaning Kordilera tog’laridagi plato, AQSh ning Janubi-g’arbida. Shimoli-g’arbda katta havza, Sharq va shimoli-sharqdan qoyali tog’lar, Janubdan Meksika yassitog’ligi bilan chegaralangan. Maydoni 300 ming kilometr kvadrat. Balandligi 1800-2500 metr, eng baland joyi — 3861 metr (Xamfris-Pik tog’i). Tokembriy kristall jinslaridan tuzilgan. Ustini Paleozoy — paleogen davrlarining qalin cho’kindi jinslari qoplagan. Shu sababli u yerda uran-vanadiy rudalarining konlari topilgan. Daryolar, jumladan, Kolorado daryosi platoni o’yib chuqur daralar hosil qilgan. Iqlimi subtropik Kontinental, quruq iqlim. Yiliga 200-500 millimetr yog’in yog’adi. Quruq dasht o’simliklari o’sadi, nisbatan nam yerlarda o’rmonlar uchraydi.
Manba
O'zbekiston Milliy Ensiklopediyasi
TEZ YUK MARKAZ
Yuk markaz elonlari yuk yuborish va yuk tashish
Guruhga kirish
Uzpedia.uz