KO’KTINVA — o’rtapishar qovun navi. Shakli tuxumsimon, uzunligi 32-40 santimetr, og’irligi 2,5—5 kilogrammga boradi. Sirtida tekis yirik to’rlari bor. Rangi och yashil, Po’sti qattiq, eti oq, qalinligi 4-5 santimetr, qarsillaydi. Tarkibida 8-11,1% qand, shu jumladan, 4,2— 6,9% Saxaroza, 10,5—12,5% quruq modda bor. Urug’xonasi o’rtacha, urug’i yirik. Urug’dan unib chiqqanidan keyin hosili 80-85 kunda pishadi. 220-260 tsentner/gektar hosil beradi. Toshkent, Sirdaryo, Samarqand, Buxoro, Andijon va Farg’ona viloyatlarida ekiladi. Farg’ona viloyatida ko’z va qishga saqlash uchun yarokli bo’lgan, mevasi yirik, kechpishar xili ham uchraydi.
Manba
O'zbekiston Milliy Ensiklopediyasi
Loyiha rivoji uchun hayriya qiling: 9860 3501 4465 8134. @Shaka_rj Maqsad sun'iy intellekt javoblarini ko'paytirish