KLAVIATURA
KLAVIATURA (lotincha clavis — kalit) -1) musiqa cholg’u sozlarida ma’lum tartibda joylashgan klavish (richag) lar majmui, klavish mexanizmi (tovush hosil qiluvchi va uni so’ndiruvchi richaglar tizimi)ning asosiy qismlaridan biri. 12-asrdan dastlab organda, so’ngra boshqa klavishli musiqa cholg’ularida qo’llanilgan. Klavesin, fisgarmoniya, elektroorgan kabi cholg’ularda bir nechta dastaki Klaviatura (Manual)lar bo’lishi mumkin. Organda qo’l uchun muljallangan Klaviatura (Manual)lardan tashqari nihoyatda past (yo’g’on) tovushlar manbai — oyoq Klaviaturasi (pedal) ham mavjud; 2) yozuv mashinkasi, kompyuter kabi mexanizmlarda klavishlar majmui.
Manba
O'zbekiston Milliy Ensiklopediyasi
Uzpedia.uz