Klas Ingesson
Klas Inge „Klabbe“ Ingesson (20-avgust 1968-yiil — 2014-yil 29-oktyabr) Shvetsiyalik professional futbolchi va murabbiy edi. Faoliyatining katta qismini yarim himoyachi sifatida Shvetsiya, Belgiya, Gollandiya, Angliya, Italiya va Fransiyada o‘tkazgan. Ingesson Shvetsiya terma jamoasi tarkibida 57 marta, jumladan, 1990 va 1994-yillardagi futbol bo‘yicha jahon chempionati hamda 1992-yilgi Yevropa chempionatida ishtirok etgan. U 2013-yildan 2014-yil oktabr oyida vafotigacha IF Elfsborgni boshqargan.
Futbolchilik faoliyati
U Shvetsiyaning IFK Göteborg, Belgiyaning KV Mechelen, Gollandiyaning PSV Eyndxoven, Angliyaning Sheffild Uensdey, Italiyaning Bari, Bolonya va Lechche, Fransiyaning Marsel klublarida o‘ynagan.
Sheffild Uensdeyda u „mashgʻulotdan keyin toʻgʻridan-toʻgʻri pabga borgan, ammo shanba kuni kelgan yovvoyi hayvonlar kabi yugura oladigan“ oʻyinchilarni uchratgan. Uni murabbiy Trevor Frensis Karlton Palmer oʻrniga sotib olgan, ammo Ingesson bor-yoʻgʻi 18 oʻyinda maydonga tushgan (plyus kuboklarda 3 ta). U „Sheffild Uensdey“ safida 2 ta gol urgan, 1994-yil 26-dekabrda „Everton“ga va 1995-yil 4-fevralda „Arsenal“ga bitta gol urgan. Keyinchalik Ingesson jagʻidan jarohat olgan va Frensis ishdan boʻshatilgandan soʻng, yangi murabbiy Devid Plit bilan Ingesson boshlangʻich 11talik tarkibda qolgan. 1995-yil noyabr oyida Ingesson Italiyaning Bari jamoasiga sotilgan.
Murabbiylik faoliyati
2013-yil 30-sentyabrda Ingesson IF Elfsborg boshqaruvchisi etib tayinlangan.
Shaxsiy hayot
Nafaqaga chiqqanidan soʻng, Ingesson oʻrmonchi boʻlgan, shuningdek, Shvetsiyaning Farlig Fritid („Xavfli dam olish“) teledasturida boshlovchi sifatida paydo boʻlgan.
2009-yil 14-mayda Ingessonga miyeloma tashxisi qoʻyilganligini eʼlon qilgan. Davolash boshida „toʻgʻri yoʻnalishda“ ketayotgani aytilgan. Ingesson butunlay tuzalib ketgan va 2010-yil dekabr oyida IF Elfsborg 21 yoshgacha boʻlgan yoshlar jamoasiga rahbarlik qilish taklifini qabul qilib, futbolga qaytgan. 2013-yil 8-yanvarda Ingesson miyelom qaytganini va u ildiz hujayralarini ko‘chirib o‘tkazishini maʼlum qilgan, chunki avvalgi ikkita autolog (yaʼni o‘z ildiz hujayralari) transplantatsiyasi muvaffaqiyatsiz yakunlangan.
2014-yil 29-oktyabrda Ingesson miyeloma taʼsiridan vafot etgan.
U uylangan va ikki farzandi bor edi.
Faoliyat statistikasi
Xalqaro
Klas Ingesson tomonidan kiritilgan xalqaro gollar Yutuqlar
IFK Göteborg[10][11]
Boloniya[12]
Shvetsiya[13]
Manbalar
uz.wikipedia.org