Kitaakita

Kitaakita (yaponcha: 北秋田市 Kitaakita-shi?) Yaponiyaning Akita prefekturasida joylashgan shahardir. 2019-yil 30-noyabr holatiga koʻra, shaharda 14021 ta xonadonda 31504 nafar aholi istiqomat qilgan, aholi zichligi esa har kvadrat kilometrga 27 nafarni tashkil qilgan. Shaharning umumiy maydoni 1,152,76 kvadrat kilometr (445,08 mi²) ga teng.

Geografiyasi

Kitaakita shimoli-sharqidagi Akita prefekturasining togʻlari, sharqda Ou togʻlari bilan oʻralgan. Shaharning bir qismi Tovada-Hachimantay milliy bogʻi chegaralarida joylashgan. Shahar hududining katta qismi oʻrmon bilan qoplangan. Ichki joylashuvi tufayli shahar qishda kuchli qor yogʻishi bilan ajralib turadi. Bu prefektura poytaxti Akita shahridan taxminan 80 kilometr shimoli-sharqda oʻrin egallagan.

Qoʻshni munitsipalitetlar

Iqlimi

Kitaakita nam kontinental iqlimga ega (Köppen iqlim tasnifi Dfa), katta mavsumiy harorat farqlari kuzatiladi, issiqdan issiq (va koʻpincha nam) yoz va sovuq (baʼzan qattiq sovuq) qish fasli bu hudud iqlimiga xosdir. Yogʻingarchilik yil davomida sezilarli boʻlsa-da, lekin avgustdan oktyabrgacha eng kuchli darajasi qayd etiladi. Kitaakitada oʻrtacha yillik harorat 10.5 °C (50.9 °F) ni tashkil etadi. Yillik oʻrtacha yogʻin miqdori 1,704.7 mm (67.11 in) boʻlib, eng seryogʻin oy iyul hisoblanadi. Avgustda eng yuqori harorat 23.7 °C (74.7 °F) atrofida va eng past harorat yanvarda, taxminan −1.5 °C (29.3 °F) atrofida boʻladi.

Demografiyasi

Yaponiya aholini roʻyxatga olish maʼlumotlariga koʻra, Kitaakita aholisi soʻnggi 60 yil ichida tez suratlar bilan kamayib bormoqda.

Tarixi

Hozirgi Kitaakita hududi qadimgi Deva viloyatining bir qismi boʻlgan. Edo davrida, hudud Kubota domenidan viloyatning shimoliy uchdan bir qismini boshqargan Satake sulolasi nazorati ostiga berilgan. Meiji davri boshlangandan soʻng, hudud 1878-yilda zamonaviy munitsipalitetlar tizimining oʻrnatilishi bilan Akita prefekturasi Kitaakita tumani tarkibiga kiritildi.

Kitaakita shahri 2005-yil 22-martda Aikava, Ani, Moriyoshi va Takanosu (barchasi Kitaakita tumanidan) shaharlarining birlashishi natijasida tashkil etilgan.

Hukumat

Aisay toʻgʻridan-toʻgʻri saylanadigan mer va 20 aʼzodan iborat bir palatali shahar qonun chiqaruvchi organiga ega boʻlgan mer-kengash boshqaruv shakliga ega. Shahar Akita prefekturasi assambleyasiga ikki aʼzoni qoʻshish huquqi mavjud. Milliy siyosat nuqtai nazaridan, shahar Yaponiya Diet quyi palatasining 2-akita tumani tarkibiga kiradi.

Iqtisodiyoti

Kitaakita iqtisodiyoti qishloq xoʻjaligi, oʻrmon xoʻjaligi va mavsumiy turizmga asoslangan.

Taʼlim tizimi

Kitaakita shahar hukumati tomonidan boshqariladigan oʻnta davlat boshlangʻich maktabi va beshta davlat oʻrta maktabi shuningdek, Akita prefekturasi taʼlim kengashi tomonidan boshqariladigan bitta davlat oʻrta maktabiga faoliyat yuritadi. Prefekturada nogironlar uchun bitta maxsus taʼlim maktabi ham bunyod etilgan. Shu bilan birgalikda, shaharda Akita universiteti — Kitaakita filiali kampusi ham mavjud

Transporti

Aeroport

Temir yoʻl

Magistral yoʻl

Mahalliy diqqatga sazovor joylar

Kitaakita shahrida Yasu sharsharasi enng mashhur joylardan biri boʻlib, Yaponiyaning eng yaxshi 100 sharsharalaridan biri hisoblanadi. Yana bir ahamiyatga ega hudud — Isedotay manzilgohi esa Jomon davri arxeologik yodgorligi va milliy tarixiy yodgorlikni oʻzi mujassamlashtirgan manzilgohdir