Kirsten van de Ven
Kirsten Johanna Maria van de Ven (1985-yil 11-mayda tugʻilgan) — sobiq gollandiyalik professional futbolchi. Professional faoliyatidan oldin u Qoʻshma Shtatlarda kollej futbolida oʻynagan. Professional darajada u Gollandiya ligasida (Eredivisie) Villem II Tilburg va FK Tvente va Shvetsiya ligasida (Daallsvenskan) Tyresö FF va FC Rosengård uchun oʻynagan. U Shvetsiya va Gollandiya klublarida unvonlarni qoʻlga kiritgan, xalqaro oʻyinchi sifatida Gollandiya ayollar milliy futbol jamoasi aʼzosi boʻlgan va 2009 va 2013-yillarda UEFA ayollar chempionati va 2015 FIFA ayollar oʻrtasidagi jahon chempionatida oʻz mamlakati sharafini himoya qilgan.
Klubdagi karyerasi
Dastlabki yillar va kollej futboli
Heesch shahrida tugʻilgan u faolyatini mahalliy havaskorlar klubi Heesche Voetbal Club Heesch (HVCH) boshladi, F4 dan A1 jamoasiga oʻgʻil bolalar jamoalarida oʻynadi. 2004-yilda, 19 yoshida, u Qoʻshma Shtatlarga koʻchib oʻtdi va birinchi navbatda Quinnipiac Bobcats jamoasida kollej futbolida oʻynay boshladi, u yerda 2004-yilgi Shimoliy- Sharqiy Konferensiya mavsumida 18 ta oʻyinda 12 ta gol urdi. Shu yili u yilning eng yaxshi futbolchisi deb topildi. Kollejdagi faoliyatining qolgan uch yilini Florida shtati Seminollarida NCAA darajasida, Hermann Trophy gʻolibi Mami Yamaguchining jamoadoshi sifatida oʻynadi. Seminollar safida u 2005-06-yilgi mavsumda 18 ta oʻyinda 5 ta gol, 2006/07-yilgi mavsumda 24 ta oʻyinda 1 ta gol va 2007/08-yilgi mavsumda 26 ta oʻyinda 7 ta gol urgan.
Professional
2007-yil oxirida u Gollandiyaga qaytib keldi va 2008-yil yanvar oyida oʻzining professional faoliyatini boshladi, 2007-08-yilgi Erediviziya mavsumining ikkinchi yarmida Villem II Tilburg uchun oʻynay boshladi va jamoaning ikkinchi oʻrinni egallashiga yordam berdi. 2009-yil dekabr oyida u 2010-yilning mart oyidan boshlab Shvetsiyaning yangi ligasi (Damallsvenskan) Tyresö FF klubiga qoʻshilishi eʼlon qilindi.
Tyresö FFda, 2011 va 2012-yillarda Shvetsiya kubogi gʻolibi boʻlganidan soʻng, mavsumning soʻnggi turida chempionlik raqibi LdB FC Malmyoni 1:0 hisobida magʻlub etib, 2012-yilda Damallsvenskanni qoʻlga kiritdi. Uchrashuvning 82-daqiqasida gol urdi. Natijada Tyresö FF toʻplar nisbati boʻyicha chempionlikni qoʻlga kiritdi, chunki ikkala jamoa ham mavsumni 55 ochko bilan yakunlagan edi. 2013-yilda Shvetsiya Superkubogini penaltilar seriyasida Kopparbergs/Göteborg FCga boy berganiga qaramay u UEFA Ayollar Chempionlar Ligasida debyut qildi va 2013-14 yilgi mavsumning 1/16raundida gol urdi hamda jamoaning yanada rivojlanishiga yordam berdi.
2013-yil dekabr oyida Tyresö FFda toʻrt yil oʻtkazganidan va ligada 79 ta oʻyinda 39 ta gol urganidan soʻng, u Damallsvenkan raqiblari LdB FC Malmö (keyinchalik FC deb oʻzgartirildi) bilan yangi ikki yillik shartnoma imzolagani eʼlon qilindi.. Klub bilan oʻynagan ikki mavsumda u ikki marta Damallsvenkanni (2014 va 2015), 2015-yilda Shvetsiya Superkubogini qoʻlga kiritgan va 2014-15- yillarda Shvetsiya kubogi sohibi boʻlgan. Shuningdek, u Chempionlar ligasi musobaqalarida klub uchun 9 ta oʻyin oʻtkazdi va 2 ta gol urdi.
U 2016-yil yanvar oyida oʻz vataniga qaytib, Gollandiya chempioni „Tvente“ bilan 2015-16 Erediviziya mavsumining ikkinchi yarmini oʻynash uchun yarim yillik shartnoma imzoladi. Gollandiya chempionligini qoʻlga kiritgach, 2016-yilning 23-mayida u futboldan ketishini eʼlon qildi.
Xalqaro karyera
U 17 yoshgacha va 19 yoshgacha boʻlganlar (shu jumladan, 2003-yilgi 19 yoshgacha boʻlgan ayollar oʻrtasidagi UEFA chempionati) orasida Gollandiya terma jamoalarida oʻynagan.
2004-yil 6-avgustda u Niderlandiya terma jamoasida bosh murabbiy Remy Reynierse qoʻl ostida debyut qildi va Zeistda Yaponiyaga qarshi oʻrtoqlik uchrashuvida 0:2 hisobida magʻlub boʻldi. U 2007-yilgi FIFA ayollar oʻrtasidagi Jahon chempionati saralash bosqichida oʻynagan.
Murabbiy Vera Pauw tomonidan UEFA Ayollar oʻrtasidagi Yevro-2009 milliy terma jamoasida boʻlish uchun tanlab olingan, 2009-yil 23-avgustda u turnirning ochilish oʻyinida Ukraina ustidan 2:0 hisobida gʻalaba qozongan va Gollandiya terma jamoasining asosiy oʻyinida debyut golini kiritgan. Uning turnirdagi ikkinchi goli Gollandiyaning ikkinchi oʻyinida, turnir mezboni Finlandiyaga 1:2 hisobida magʻlub boʻlgan amlaga oshiriligan. U Gollandiyaning barcha musobaqalarida beshta oʻyin oʻtkazib, jamoaga yarim finalga chiqishga yordam bergan.
2013-yil iyun oyida milliy terma jamoa bosh murabbiyi Roger Reijners uni Shvetsiyada boʻlib oʻtadigan UEFA Ayollar oʻrtasidagi Yevro-2013 musobaqasi uchun 23 nafar futbolchi roʻyxatiga kiritilgan.
U murabbiy Roger Reijners tomonidan 2015-yilgi ayollar oʻrtasidagi Jahon chempionati uchun Gollandiya terma jamoasiga chaqirilgan. Turnirda u guruh bosqichida mezbon Kanada bilan 1:1 hisobida durang natija qayd etilgan va Yaponiyaga 1:2 hisobida magʻlub boʻlingan oʻyinlarda ishtirok etgan.
Jahon chempionatidan koʻp oʻtmay, 2015-yil 23-oktabrda Arjan van der Laan bosh murabbiyligida u milliy terma jamoadagi 87-chi va soʻnggi oʻyinida, " Stad Jan-Buen " stadionida Fransiyaga qarshi oʻrtoqlik uchrashuvida (2:1) maydonga tushdi. U terma jamoa safida 18 ta gol urgan.
Xalqaro maydondagi gollar
Shaxsiy hayoti
Qoʻshma Shtatlarda kollej futbolida oʻynab, u psixologiya boʻyicha mutaxasislikni egallagan. Keyinchalik u Tilburg universitetida mehnat va tashkiliy psixologiya boʻyicha magistrlik darajasini ham tamomlagan.
Yutuqlar
Tyresö FF
FK Rosengård
FK Twente
Manbalar
uz.wikipedia.org