Kenan Pirich

Kenan Pirić (talaffuzi: Kenan Pirich; 1994-yil 7-iyulda tugʻilgan) — bosniyalik professional futbolchi, Kipr birinchi divizioni AEK Larnaca klubi va Bosniya va Gersegovina milliy terma jamoasida darvozabon sifatida oʻynaydi.

Klublardagi faoliyati

Pirić ona shahri Sloboda Tuzla klubining yoshlar akademiyasi orqali asosiy jamoaga kelgan. 2012-yilning iyun oyida Gradinaga oʻtgan. Oʻsha yilning 25-avgustida 18 yoshida Veležga qarshi professional debyutini oʻtkazdi.

2013-yilning avgustida Pirić Belgiyaning Gent jamoasi bilan shartnoma imzoladi. 2014-yilning yozida Sloboda Tuzlaga qaytdi. 2017-yil fevral oyida Pirić Zrinjski Mostarga oʻtdi.

2017-yilning 13-dekabrida Sloveniyaning Maribor jamoasi Pirić keyingi mavsumda o‘z safiga qo‘shilishini eʼlon qildi. 2018-yilning 29-iyulida Muraga qarshi o‘yinda jamoa safida debyut qildi va o‘z darvozasi daxlsizligini saqlab qola oldi. 2019-yilning 15-mayida Maribor bilan liga chempioni boʻlib, birinchi kubokni qo‘lga kiritishdi.

2021-yilning iyul oyida Pirić Gretsiyaning Atromitos jamoasi bilan ikki yillik shartnoma imzoladi. 12-sentabr kuni Olimpiacosga qarshi o‘yinda jamoa safida debyut qildi va o‘z darvozasi daxlsizligini saqlab qoldi. Dekabr oyi oxirida Atromitos bilan shartnomasini bekor qildi.

2022-yilning yanvarida Pirić bir yarim yillik shartnoma asosida Turkiyaning Göztepe jamoasiga oʻtdi. Klubdagi rasmiy debyutini 3-aprel kuni Konyasporga qarshi oʻyinda oʻtkazdi.

2022-yil iyun oyida Kiprning AEK Larnaca jamoasiga ikki yillik shartnoma asosida qoʻshildi.

Xalqaro faoliyati

Pirić Bosniya va Gersegovinaning 21 yoshgacha boʻlgan terma jamoasi aʼzosi boʻlgan. 2015- va 2016-yillarda 21 yoshgacha bo‘lgan futbolchilar o‘rtasidagi 2017-yilgi Yevropa chempionati saralash bosqichida yettita oʻyinda maydonga tushdi. Murabbiy Vlado Jagodić qoʻl ostida jamoa sardori sifatida ham oʻynagan.

2016-yilning may oyida Pirić Ispaniyaga qarshi oʻrtoqlik oʻyini va 2016-yilgi Kirin kubogi uchun birinchi marta chaqiruv oldi. 2018-yilning 31-yanvarida Meksikaga qarshi oʻyinda debyutini oʻtkazdi.

Shaxsiy hayoti

Pirić 2018-yil dekabr oyida sevgilisi Erinaga uylandi. Ularning Eman ismli oʻgʻli bor.

Faoliyat statistikasi

Klub

18-sentyabr, 2022-yil[20]

Xalqaro

6-iyun, 2021-yil[21]

Yutuqlari

Maribor

Manbalar

uz.wikipedia.org