Katy Jurado

María Cristina Estela Marcela Jurado Garcia (talaffuzi: „Mariya Kristina Estela Marsela Xurado Garsiya“, 1924-yil 16-yanvar — 2002-yil 5-iyul), professional ravishda Katy Jurado nomi bilan tanilgan, meksikalik aktrisa. Jurado aktyorlik faoliyatini Meksikada Meksika kinosining oltin davrida boshlagan. 1951-yilda u Meksikadagi amerikalik kinorejissyorlar tomonidan ishga qabul qilindi va Hollywooddagi karerasini Hollywoodning Oltin Asrida boshladi. U 1950- va 1960-yillardagi mashhur Gʻarb filmlarida rol oʻynagan. Uning turli obrazlarni oʻynash qobiliyati meksikalik aktrisalar uchun Amerika kinosiga yoʻl ochishga yordam berdi. U "Broken Lance" (1954) filmidagi ijrosi uchun „Eng yaxshi ikkinchi plandagi aktrisa“ nominatsiyasida „Oscar“ mukofotiga nomzod boʻlgan birinchi Lotin Amerikasi aktrisasi boʻldi.

Hayot va martaba

Maria Cristina Estela Marcela Gurado Garcia, erta bolaligidan „Katy“ nomi bilan tanilgan. U 1924-yil 16-yanvarda Meksikaning Gvadalaxara shahrida huquqshunos Louice Jurado Ochoa va qoʻshiqchi Vicenta Garcianing qizi boʻlib tugʻilgan. Juradoning ukalari Louice Raul va Oscar Sergio edi. Uning onasi Meksikaning XEW radiostansiyasida (Lotin Amerikasidagi eng qadimgi radiostansiya) qoʻshiqchi boʻlgan. Onasi meksikalik musiqachi Belisario de Xesus Garsiyaning singlisi, „Las Cuatro Milpas“ kabi mashhur Meksika qoʻshiqlari muallifi edi.

Shaxsiy hayoti

Juradoning birinchi eri meksikalik aktyor Victor Velasquez edi, u mashhur meksikalik aktrisalar Tere va Lorena Velazquezning oʻgay otasi boʻlgan. Velasquez bilan uning ikki farzandi bor: Victor Hugo (1981-yilda vafot etgan) va Sandra.

Hollywooddagi faoliyatining boshida Jurado rejissyor Budd Boetticher va aktyor Tyrone Power bilan aloqada boʻlgan.

Oʻlim

Umrining oxirlarida Jurado yurak va oʻpka kasalliklaridan aziyat chekdi. U 2002-yil 5-iyulda 78 yoshida Meksikaning Kuernavaka shahridagi uyida buyrak yetishmovchiligi va oʻpka kasalligidan vafot etdi va Kuernavakadagi Panteon de la Paz qabristoniga dafn qilindi.

Meros

Jurado kinofilmlarga qoʻshgan hissasi uchun Hollywood shon-shuhrat xiyobonida 7065 Hollywood bulvarida yulduzga ega.

Manbalar

uz.wikipedia.org