Kartoshka shoʻrva
ʻʻʻKartoshkali shoʻrvaʼʻʻ — asosiy tarkibiy qismi kartoshka boʻlgan shoʻrvadir.
Kartoshka shoʻrva goʻshtli, baliqli va vegetariancha tayyorlanadi, baʼzi retseptlarida yorma, makaron yoki un mahsulotlari qoʻshiladi.
Rossiyada kartoshka shoʻrva, ehtimol, kambagʻal oilalarning eng mashhur ovqati boʻlgan, uni noʻxat, shovul, loviya va qoʻziqorin bilan tayyorlangan. Kartoshka shoʻrva — Avstriya oshxonasi va nemis oshxonasida anʼanaviy taom boʻlib, quyuq shoʻrva kartoshkali ayntopf deb ataladi. Chexiya oshxonasida bramborachka kartoshka shoʻrvasi birinchi tortiladigan taomlarning eng asosiysi hisoblanadi.
Kartoshka shoʻrva retseptlari mintaqaga qarab farq qiladi. Odatda, kartoshka sabzi, selderey va piyoz kabi boshqa sabzavotlar bilan birga shoʻr suv yoki bulyonda qaynatiladi. Kartoshka shoʻrvasidagi sabzavotlar mavsumga qarab olinadi. Kartoshka pishgach, kartoshkaezgich bilan undan pyure qilinadi. Retseptga qarab, kartoshka shoʻrvasiga shpik kubchalari, qovurilgan piyoz va yangi petrushka qoʻshiladi. Boshqa oʻtlar, qalampir va qora murch ham ziravorlar sifatida ishlatiladi. Kartoshka shoʻrva koʻpincha boksvurt, Vena sosiskalari, teftel, jigar, ovchilik va boshqa kolbasa turlari, shuningdek, shoʻrvaga uvatilgan non yoki bulkalar bilan tortiladi.
Shimoliy Germaniyada bir oz boshqacha retseptlardagi kartoshka shoʻrva standart uy taomi hisoblanadi. Meklenburg kartoshka shoʻrvasi „olxoʻri bilan kartoshka“ deb ataladi, unga sabzavotlardan tashqari, kassel yoki bekon va olxoʻri qoʻshiladi. Shirin qoʻshimchali shoʻrtak kartoshka shoʻrvasining bunday oʻziga xos taʼmini Meklenburgdan tashqari Shlezvig-Golshteyndada ham sevishadi. Baden oshxonasida, ayniqsa, Janubiy Baden va Oʻrta Yuqori Reynda kartoshka shoʻrva olxoʻri mavsumida dehqoncha uslubda olxoʻri pirog bilan isteʼmol qilinadi. Pfalse va Saarda kartoshka shoʻrva ham olxoʻri pirog, ham kleski bilan isteʼmol qilinadi. Svabiyaning baʼzi joylarida kartoshka shoʻrvasi olma pirogi bilan isteʼmol qilinadi. Ingredientlarning uzoq roʻyxatini talab qiladigan, murakkab kartoshka shoʻrva Kayzer Vilgelm II sharafiga nomlangan.
2009-yilgi saylov kampaniyasi paytida Federal kansler Angela Merkel RTL kanalida kartoshka shoʻrvasini qanday pishirishni bilishini va haqiqiy ayntopfni sevishini aytib berdi.
Manbalar
Adabiyotlar
Havolalar
uz.wikipedia.org