Karl Corneliusson
Byorn Karl Hakan Corneliusson (1976-yil 17-noyabrda tugʻilgan) — Shvetsiyalik sobiq professional futbolchi, himoyachi sifatida oʻynagan. Faoliyatini Örgryte IS bilan boshlagan, u 1994 va 2007-yillar oraligʻida boʻlgan faoliyati davomida AIK, Salernitana, Napoli va Landskrona BoIS klublarida professional futbol oʻynagan. U 2000-2001-yillarda Shvetsiya terma jamoasi safida to‘qqizta o‘yin o‘tkazib, bitta gol urgan.
Jamoalardagi faoliyati
Corneliusson futbolchilik faoliyatini Örgryte IS bilan boshlagan, 1999-yilgi Allsvenskan mavsumi oldidan AIK bilan shartnoma imzolagan. AIKda u 1999-2000-yillarda UEFA Chempionlar Ligasida ishtirok etgan, shuningdek, 1998-1999-yillarda Svenska Kupenini qoʻlga kiritgan jamoaning asosiy oʻyinchilaridan biri boʻlgan.
2003-yilgi Allsvenskan mavsumidan keyin u AIKni tark etib, Italiya B seriyasida Salernitana bilan shartnoma imzolagan. Keyingi mavsumda u C Seriyada " Napoli "ga ijaraga berilgan. 2005-yilda u Landskrona BoIS bilan shartnoma imzolash uchun Shvetsiyaga qaytib kelgan.
Xalqaro karyera
Yoshlar
Corneliusson Shvetsiya U17, U19 va U21 jamoalarida jami 39 ta oʻyinda maydonga tushgan va 1998-yilda Ruminiyada boʻlib oʻtgan 21 yoshgacha boʻlganlar oʻrtasidagi Yevropa chempionatida 6-oʻrinni egallagan Shvetsiya U21 jamoasi tarkibidagi asosiy oʻyinchilardan biri boʻlgan.
Kattalar jamoasi
U Shvetsiya terma jamoasi safida 2000-yil 4-fevralda Norvegiyaga qarshi o‘rtoqlik o‘yinida debyut qilgan, 0:1 hisobidagi mag‘lubiyat bilan yakunlangan o‘yinda 71-daqiqada Teddi Luchich o‘rniga zahiradan maydonga tushgan. Oʻsha yilning oxirida u Shvetsiya terma jamoasi uchun 2002-yilgi Jahon chempionati saralashida Turkiyaga qarshi oʻyinda debyut qilgan, 55-daqiqada Niklas Aleksandrssonni oʻrniga zahiradan maydaonga tushgan va 1:1 hisobida yakunlangan oʻyinda sariq kartochka olgan.
U Shvetsiya termasi uchun ilk golini 2001-yil 28-fevralda Maltaga qarshi o‘rtoqlik o‘yinida kiritgan, oʻsha oʻyinda Shvetsiyaliklar 3:0 hisobida g‘alaba qozonishgan. U 2001-yil 25-aprelda Shveytsariyaga qarshi oʻrtoqlik oʻyinida 2:0 hisobida gʻalaba qozongan holda 9- va soʻnggi xalqaro oʻyinini oʻtkazgan.
2002-yilgi Jahon chempionati saralashida uchta oʻyinda maydonga tushgan boʻlsa-da, turnir boshlanishidan atigi bir oy oldin qoʻlidan jarohat olib, Shvetsiya terma jamoasiga chaqirilmagan.
Karyera statistikasi
Xalqaro
Yutuqlar
AIK Shahsiy yutuqlar Manbalar
uz.wikipedia.org