Kareliya Respublikasining mintaqaviy madhiyasi
Kareliya Respublikasining davlat madhiyasi rasmiy davlat ramzi boʻlib, maxsus qabul qilingan tantanali qoʻshiqdir. XII chaqiriq Kareliya Respublikasi Oliy Kengashi tomonidan 1993-yil 6 aprelda tasdiqlangan. Musiqa muallifi Aleksandr Beloborodov, matn mualliflari Ivan Kostin, Armas Mishin hisoblanadi. Kareliya Respublikasi — Rossiya Federatsiyasi tarkibidagi respublika.
Tarix
1990-yil avgust oyida Kareliya Avtonom SSR Oliy Kengashi Kareliya ASSRning davlat suvereniteti toʻgʻrisida deklaratsiya qabul qildi. KASR Kareliya Respublikasi deb oʻzgartirildi. Shu munosabat bilan Kareliya Respublikasi Oliy Kengashi Prezidiumi ramzlarni o‘zgartirish hamda yangi gerb, bayroq va madhiya uchun tanlov o‘tkazish to‘g‘risida qaror qabul qildi.
Musiqani Kareliya Respublikasi Bastakorlar uyushmasi raisi, bastakor Aleksandr Beloborodov yozgan. Rus tilidagi matn mualliflari shoirlar Ivan Kostin va Armas Mishin, shuningdek, madhiya matnining fin tiliga tarjimasi Armas Mishin tomonidan amalga oshirildi.
1993-yil 6-aprelda XII chaqiriq Kareliya Respublikasi Oliy Kengashi Kareliya Respublikasi Davlat madhiyasi matnini tasdiqlash toʻgʻrisida qaror qabul qildi. Ushbu qonun Kareliya Respublikasining XII-16.495-sonli „Kareliya Respublikasi Davlat madhiyasi matni toʻgʻrisida“ gi qonunini bilan belgilanib qoʻyildi. Madhiya Kareliya Respublikasi Konstitutsiyasining 101-moddasi bilan tasdiqlangan. Madhiyaning ikkita rasmiy matni (rus va fin tillarida) mavjud edi. Madhiya matnini maʼqullagan xalq deputatlari o‘rnidan turib, xor ijrosidagi madhiyaning ikki tildagi yozuvini tingladilar.
2001-yil dekabr oyida Kareliya Respublikasi Qonunchilik Assambleyasi palatasining 2-chaqiriq deputatlari madhiyaning fin tilidagi matnini ijro etishni bekor qildilar va "Respublika davlat madhiyasi matni to'g'risida"gi qonunga o'zgartirishlar kiritdilar. Bu qaror Kareliya Respublikasida yagona rasmiy til faqat rus tili ekanligi va madhiyaning fin tilida rasmiy ijro etilishi uning konstitutsiyasiga zid ekanligi bilan asoslandi.
Matn
Manbalar
Havolalar
uz.wikipedia.org