KAMOLCHILAR INQILOBI

KAMOLCHILAR INQILOBI — Otaturk Mustafo Kamol rahbarligida 1918-23 yillarda amalga oshirilgan turk milliy inqilobi. Kamonchilar inqilobi natijasida Turkiya sultonligi (1922 yil 1 noyabr), xalifalik (1924 yil 3 mart) tugatildi. Turkiya respublika deb e’lon qilindi (1923). Kapitulyatsiyalar rejimi, xalqaro moliyaviy nazorat hamda xorijiy kontsessiyalarning imtiyozlari bekor etildi. Davlat va ma’muriy idoralarda, turk madaniyati va jamiyatida ilg’or islohotlar o’tkazildi.

Manba

O'zbekiston Milliy Ensiklopediyasi