Kamo Hovhannisyan
Kamo Hovhannisyan (talaffuzi: Kamo Oganesyan) (1992-yil 5-oktyabrda tugʻilgan) — armanistonlik futbolchi, hozirda Armaniston terma jamoasi va Qozogʻiston Premyer-ligasining „Astana“ klubida yarim himoyachi sifatida oʻynaydi.
Klubdagi faoliyati
Kamo Hovhannisyan Yerevanda Artashes va Gayane Hovhannisyanning oilasida tugʻilgan. U 6 yoshida futbol bilan shugʻullana boshlagan va ikki yildan soʻng Shengavit futbol maktabiga qabul qilingan. Shengavitni tanlashiga sabab u maktabning futbolchi uyiga yaqinligini taʼkidlagan. Uning oilasi haqiqiy futbol muhlislari edi. Kamo ham shu tariqa futbolchi boʻlishga qaror qilgan. Bundan tashqari, ukasi Hovhannes ham uning izidan borib futbolchilikni tanlagan. Shengavitda u ikki yil oʻynagan, shundan soʻng otasining istagiga binoan u Pyunik futbol maktabiga borgan. 2008-yilgi mavsumda Hovhannisyan 17 yoshgacha boʻlgan yoshlar jamoasi oʻyinchilarini yigʻgan Patani klubida oʻynagan. Keyingi mavsumda u yana Pyunikga koʻchib oʻtgan. Hovhannisyan asosan Birinchi ligada oʻynagan. 2009-yilda u Pyunik bilan shartnoma imzolagan. Uning asosiy klubdagi debyuti 2009-yilgi mavsumda boʻlgan. Bu oʻyin 7-aprel kuni Armaniston kubogi chorak finalida Kilikiyaga qarshi javob oʻyinida oʻtkazilgan. Hovhannisyanning Armaniston Premyer-ligasidagi debyuti toʻrt kundan soʻng yana Kilikiya jamoasiga qarshi oʻtkazilgan. Har ikki uchrashuvda ham Pyunik jamoasi raqibi ustidan gʻalaba qozongan. 2011-yilning 12-iyulida Chexiyaning „Viktoriya Plzen“ klubiga qarshi Chempionlar ligasi doirasidagi oʻyinda „Pyunik“ 0:4 hisobida magʻlubiyatga uchragan oʻyinda Hovhannisyan asosiy tarkibda maydonga tushgan.
2018-yilning 16-yanvarida „Alashkert“ FK Hovhannisyanning 2020-yilning 1-avgustiga qadar jamoa bilan shartnoma imzolagnini eʼlon qilgan. Biroq, 2018-yil 23-yanvarda Hovhannisyan Qozogʻiston Premyer-ligasining „Jetisu“ klubiga oʻtgan. 2020-yilning 11-yanvarida Hovhannisyan ikki yillik shartnoma asosida Qozogʻiston Premyer-ligasining "Qayrat" klubiga qoʻshilgan.
2022-yil 19-yanvarda Hohvannisyan Astana jamoasi bilan shartnoma imzolagan.
Xalqaro faoliyati
Hovannisyan 2012-yilning 28-fevralida Serbiyaga qarshi oʻrtoqlik uchrashuvida Armaniston milliy terma jamoasi safida debyut qilgan.
Faoliyat statistikasi
Klub
Xalqaro
Yutuqlari
Klub
"Qayrat" FK Pyunik Manbalar
uz.wikipedia.org