KALIY NITRAT
KALIY NITRAT, kaliyli selitra, KNO3 — nitrat kislotaning kaliyli tuzi, rangsiz kristall. Suyuqlanish temperaturasi 334,5°. Suyuqlanish temperaturasidan yuqori haroratlarda kislorod ajralib, avval KNO2, keyin K2O gacha parchalanadi. Kaliy nitratning organik moddalar bilan aralashmasi oson alangalanadi va yonadi. Suvda eruvchanligi (100 grammda gramm hisobida): 31,0 (20°), 243,6 (100°). Suvdagi to’yingan eritmasining qaynash tempeaturrasi 118°. Kaliy nitrat NaNO3 KC1 o’rtasidagi almashinish reaktsiyasi yordamida olinadi. Pirotexnikada, qora porox tayyorlashda, gugurt, shisha ishlab chiqarishda, qishloq xo’jaligida, go’sht mahsulotlarini konservalashda ishlatiladi.
Manba
O'zbekiston Milliy Ensiklopediyasi
TELEGRAM XIZMATLAR
Kanal va guruhlar uchun o'zbek obunachilar
Kanalga o'tish
Uzpedia.uz