Justin Wilson (avtopoygachi)

Justin Boyd Wilson (1978-yil 31-iyul — 2015-yil 24-avgust) — 2003-yilda Formula-1 (F1), 2004—2007-yillarda Champ Car World Series (CCWS) va 2008-yildan IndyCar seriyalarida ishtirok etgan britaniyalik poygachi. Uning birinchi yutugʻi Formula Palmer Audi (FPA) 1998 chempionligini qoʻlga kiritishi hisoblanadi. Xalqaro Formula 3000 chempionati (IF3000)da Nordic Racing jamoasi bilan bir qancha mavsumlarda ishtirok etgan. Jumladan, Wilson uchun 2001-yilgi mavsum omadli kechdi.

Justin Boyd Wilson sakkiz yoshida karting bilan shugʻullana boshladi va Formula Vauxhall Championship poygasiga ishtirok etdi. Bir qancha yutuqlarga erishdi. U FPA unvonini qoʻlga kiritdi va IF3000da toʻliq moliyalashtirilgan joyni egalladi. 2001-yilda seriya chempionligini qoʻlga kiritgan birinchi britaniyalik haydovchiga aylandi. U Nissan tomonidan tushgan taklifga koʻra 2002-yilda Racing Engineering jamoasi uchun Jahon seriyasida ishtirok etdi va toʻrtinchi oʻrinni egalladi.

U 2004-yildan 2007-yilgacha CCWSda Conquest Racing va RuSPORT jamoalari uchun poygalarda qatnashdi. Toʻrtta poygada gʻolib chiqdi. 2006 va 2007-yillardagi chempionatlarida ikkinchi oʻrinni egalladi. Wilson 2008-yilgi IndyCar seriyasi uchun Nyuman/Haas/Lanigan jamoasidan qatnashdi va Detroyt Indy Gran-prisini yutib oldi. 2009-yil uchun kam byudjetli Dale Coyne Racing (DCR) jamoasiga oʻtdi va Glendagi Gran-prida jamoaning birinchi gʻalabasiga oʻz hissasini qoʻshdi. Wilson 2010 va 2011-yillarda Dreyer & Reinbold Racing jamoasiga oʻtdi, ammo birorta poygada gʻalaba qozona olmadi. U 2012-yildan 2014-yilgacha DCRga qaytib, 2012-yilgi Firestone 550da gʻolib chiqdi va 2013-yilgi haydovchilar chempionatida oltinchi oʻrinni egalladi.

Wilson 2015-yilgi mavsum oxirida Pocono poygasida ABC Supply 500 avtomobili bilan ishtirok etdi. Ushbu poygada Wilson avtohalokatga uchradi va ogʻir jarohatlari tufayli vafot etdi. U 2011-yildan buyon IndyCar poygasida vafot etgan birinchi haydovchi boʻldi. Uning organlari besh kishining hayotini saqlab qolish uchun donor organlar sifatida ishlatilgan. Uning farzandlarini qoʻllab-quvvatlash uchun fond tashkil etilgan.

Natijalar

Daytona poygasi

Formula E

Indianapolis 500

Manbalar

Havolalar

uz.wikipedia.org