Julián Álvarez
Julian Alvares (ispancha: Julián Álvarez) — argentinalik futbolchi, Angliyaning „Manchester City“ klubi va Argentina terma jamoasi hujumchisi. Amerika Kubogi 2021 gʻolibi. Oʻsha yili u Janubiy Amerikada yilning eng yaxshi futbolchisi deb topildi.
Jamoalardagi faoliyati
Alvares Kordova provinsiyasidagi Kalsin kichik shaharchasida tugʻilgan. U yoshligidan futbol oʻynashni boshlagan va 11 yoshida oʻta havaskor futbolchi boʻlib ulgʻaygan. Oʻsha yoshida u Argentinaning yetakchi klublari „Boka Xuniors“ va „River Pleyt“ maktablarida koʻrikdan muvaffaqiyatli oʻtdi, Ispaniyaga tashrif buyurdi, u yerda „Real Madrid“da koʻrikdan oʻtdi va "Barcelona" klubiga taklif qilindi. Biroq, Julian oilasi bilan xayrlashishni istamay, koʻchib oʻtishdan bosh tortdi. 2016-yilning yanvarida u „River Pleyt“ning yoshlar jamoasiga qoʻshildi.
2018-yil 27-oktabr kuni „Aldosivi“ga qarshi o‘yinda Argentina Primer ligasida Rodrigo Mora o‘rniga ikkinchi bo‘limda debyut qildi. „Independiente“ga qarshi bahsda Julian „River Pleyt“ safidagi ilk golini urdi. Oʻsha yili Alvares 5 ta oʻyinda maydonga tushib, Braziliyaning „Internasional“ klubiga qarshi oʻyinda gol urib, klubga Libertadores kubogini yutishda yordam berdi.
2020-yilda Libertadores kubogida Alvares Ekvadorning „LDU Kito“, Peruning „Deportivo Binacional“ va „San-Paulu“ jamoalariga qarshi oʻyinlarda 5 ta gol urdi.
2021-yilda Alvares 18 ta gol bilan Argentina ligasining eng yaxshi toʻpurariga aylandi. „River Pleyt“ 36-marta chempionlikni qoʻlga kiritdi. Jamoa Libertadores kubogining 1/8 finaliga ham chiqdi. Argentina terma jamoasida ham hujumchi Amerika kubogi gʻolibiga aylandi. Urugvayning „El Pais“ gazetasi tomonidan oʻtkazilgan soʻrovnomada Julian Alvares 2021-yil Janubiy Amerikaning eng yaxshi futbolchisi deb topildi.
Xalqaro faoliyati
2019-yilda Argentina yoshlar terma jamoasi tarkibida Alvares Chilida boʻlib oʻtgan Janubiy Amerika yoshlar chempionatining kumush medali sovrindori boʻldi, u yerda Julian ramziy „turnir jamoasi“ga kiritildi. Turnirda u Paragvay, Peru, Venesuela, Kolumbiya, Braziliya va ikki marta Ekvador va Urugvayga qarshi oʻyinlarda maydonga tushgan. Kolumbiyaliklarga qarshi bahsda Julian gol urgan.
Oʻsha yili Alvares Polshada boʻlib oʻtgan yoshlar oʻrtasidagi jahon chempionatida ishtirok etdi. Afrikaliklarga qarshi kechgan duelda Julian gol urdi.
2021-yilning 4-iyun kuni JCh-2022 saralashida Chiliga qarshi oʻyinda Alvares Argentina terma jamoasi safida debyut qildi. Oʻsha yili Julian terma jamoa bilan Braziliyada boʻlib oʻtgan Amerika kubogida gʻolib chiqdi. Turnirda u Boliviya terma jamoasiga qarshi oʻyinda maydonga tushdi.
2022 yili Qatarda bo'lib o'tgan Jahon Chempionati finalida Argentina jamoasi safida jahon kubogiga ega chiqdi.
Statistika
2022-yil 27-sentabr holatiga ko`ra[23]
Manbalar
uz.wikipedia.org