Joshua Sargent
Joshua Thomas Sargent (talaffuzi: Joshua Tomas Sargent) (2000-yil 20-fevralda tugʻilgan)—amerikalik professional futbolchi. Joshua Sargent EFL chempionati vakili „Norwich City“ futbol klubi va AQSh milliy futbol terma jamoasi safida hujumchi va yarim himoyachi sifatida oʻynaydi. 2017-yilning may oyida, 17 yoshida Joshua Sargent FIFA U-20 Jahon chempionatida gol urgan eng yosh amerikalik futbolchiga aylandi.
Yoshligi
Sargent Missouri shtatining OʻFallon shahrida Jeff va Liane Sargent oilasida tugʻilgan. Joshua Sargent sakkiz yoshida „Scott Gallagher“ futbol klubiga qoʻshilgan.
Klublardagi oʻyin faoliyati
Dastlabki yillar
Joshua Sargent St. Louis Scott Gallagher nomli AQSh Futbolni rivojlantirish akademiyasi klubida oʻynagan. 2016-yilgi Nike xalqaro oʻrtoqlik uchrashuvidagi ajoyib oʻyinidan soʻng, Joshua Sargent 2016-yilning yozida „Kansas City“ futbol klubi bilan ikki hafta mashgʻulot oʻtkazdi. Shuningdek, Joshua Sargent oʻsha yilning oktyabr oyida Gollandiyaning "PSV Eindhoven" futbol klubida bir haftalik mashgʻulot oʻtkazdi. 2017-yil yanvar oyida Joshua Sargent AQShning 20 yoshgacha boʻlgan oʻsmirlar milliy futbol terma jamoasiga chaqirildi. Shundan soʻng, Joshua Sargent Germaniyaning "Schalke 04" futbol klubida mashgʻulot oʻtkaza boshladi.
Werder Bremen
2017-yilning 20-sentabrida „Werder Bremen“ futbol klubi Sargent 2018-yilning 1-yanvarida klub safiga qo‘shilishi, so‘ngra FIFA qoidalariga ko‘ra, 18 yoshga to‘lgan kunida professional shartnoma imzolashini eʼlon qildi. Shundan soʻng, Joshua Sargent 2018-yil 20-fevralda klub bilan 2018—2019-yilgi mavsum uchun shartnoma imzoladi.
2018-yil 7-dekabrda Joshua Sargent „Werder Bremen“ futbol klubining asosiy jamoasi safida ilk oʻyinini oʻtkazdi.
2019-yilning fevral oyida Sargent klub bilan shartnoma muddatini „uzoq muddatli“ qilishga rozi boʻldi.
Norwich City
2021-yil 9-avgustda Sargent „Werder“ futbol klubini tark etib, Premyer-liga vakili „Norwich City“ futbol klubi safiga qo‘shildi. Joshua Sargent klub bilan 9,5 million yevro miqdorida to‘rt yillik shartnoma tuzdi.
Shaxsiy hayoti
Joshua Sargent Kirsten Leppingga uylangan. Ular 2020-yil avgust oyida unashtirilgan edi. Sargentning 2022-yil 13-yanvarda tug‘ilgan bir qizi bor.
Faoliyat statistikasi
Klub
Xalqaro
Manbalar
uz.wikipedia.org