Josh Radnor
Joshua Thomas Radnor (1974-yil 29-iyulda tugʻilgan) — amerikalik aktyor, kinorejissyor, ssenariynavis va musiqachi. U CBS telekompaniyasining Emmy mukofotiga sazovor boʻlgan „How I Met Your Mother“ sitkomida Ted Mosby obrazi bilan mashhur. Radnor 2010-yilda „Happythankyoumoreplease“ komediyali drama filmida ssenariynavislik va rejissyorlik debyutini sinab ko‘rgan, ushbu film uchun Sundance kinofestivalining tomoshabinlar mukofotiga sazovor bo‘lgan va hakamlar hay’atining bosh mukofotiga nomzod deb ko‘rilgan.
2012-yilda Sundance kinofestivalida premyerasi boʻlib oʻtgan ikkinchi filmi „Liberal Arts“ga rejissyorlik qilgan va bosh rolni ijro etgan. Radnor „Amerika fuqarolik urushi“ dramatik serialida — PBS, "Mercy Street"da — doktor Jedediah Foster, „Rise" musiqiy serialida — Lou Mazzuchelli va „Hunters“ filmida Lonny Flash rollarini oʻynagan.
Yoshligi va taʼlim
Radnor Ogayo shtatining Kolumbus shahrida yahudiy oilasida tugʻilgan, oʻrta maktab maslahatchisi Carol Radnor hamda tibbiy amaliyot advokati Alan Radnorning oʻgʻli. Radnorning ikki opasi bor: Melanie Radnor Silverman va Joanna Radnor Vilensky.
U Kolumbning chekkasida joylashgan Ogayo shtati, Bexley shahrida oʻsgan va konservativ iudaizm taʼlimoti asosida tarbiyalangan. U Bexley High Schoolga borishdan oldin yahudiy maktabi hisoblangan Kolumb Tora akademiyasida oʻqigan. Undan keyin Kenyon kollejida tahsil oladi, u yerda maktabning teatr boʻlimi unga Paul Newman mukofoti bilan taqdirlagan. 1996-yilda kollejini drama boʻyicha sanʼat bakalavri yo‘nalishida tamomlagan. Radnor 1999-yilda Nyu-York universitetining Tisch sanʼat maktabida aktyorlik mahorati boʻyicha bitiruv dasturida aktyorlik mahorati boʻyicha magistr darajasini olgan. Radnor 1997-yilda Livnot U’Lehibanot bilan Tsfatdagi "Isroil tajribasi" dasturida qatnashdi.
Shaxsiy hayoti
2008-yilda Radnor Los-Angeles Timesga: „Men transsendental meditatsiya bilan shugʻullanaman va uyimning bir qismi meditatsiya uchun ajoyib joy boʻladi deb oʻyladim“, deya intervyu bergan.
Radnor Cloud Cultning ashaddiy muxlisi. U 2016-yilda "The Seeker " filmini suratga olish uchun guruh bilan hamkorlik qilgan. Radnor buni shunday izohlaydi: „Men uchun musiqalar ko‘p narsani anglatadi. Lekin, ayniqsa, Cloud Cult musiqasining to‘g‘ri keladigan tomoni shundaki, u sizdagi bor hislarni qo‘zg‘atadi va uni yuzaga chiqaradi. Agar film buni uddalay olsa, kechalari uxlashim mumkin".
Filmografiyasi
Film
Televizion
Musiqali videolar
Bosqich
Mukofotlar va nominatsiyalar
Manbalar
Havolalar
uz.wikipedia.org