Josh Meekings
Josh Meekings (talaffuzi: Josh Mikings) (1992-yil 2-sentyabrda tugʻilgan) — angliyalik professional futbolchi va murabbiy. Josh Meekings markaziy himoyachi sifatida oʻynaydi va hozirda „Brora Rangers“ futbol klubida oʻyinchi va murabbiy rolini bajaradi. Josh Meekings faoliyati davomida „Ipswich Town“, „Inverness Caledonian Thistle“, „Dundee“ va „Wealdstone“ futbol klublarida oʻynagan edi.
Faoliyati
Ipswich Town
Josh Meekings Angliyaning Bury St Edmunds shahrida tugʻilgan va Suffolk shahrida oʻsgan. Yoshligida Josh Meekings „Ipswich Town“ futbol klubining yoshlar jamoasida oʻynagan. Biroq, Josh Meekings klubning asosiy jamoasida oʻynamay, 2011-yilning yozida klubni tark etgan.
Inverness Caledonian Thistle
Josh Meekings „Stevenage“ futbol klubi bilan shartnoma imzolashi kerak edi, ammo kelishuv amalga oshmay qolgan va 2011-yil 4-iyulda Josh Meekings ikki yillik shartnoma asosida „Inverness Caledonian Thistle“ futbol klubi safiga qoʻshilishga rozi boʻlgan.
Josh Meekings klub safidagi ilk oʻyinini 2011-yil 22-oktyabrda „Dunfermline Athletic“ futbol klubi bilan boʻlib oʻtgan uchrashuvda (1:1 hisobidagi durang) oʻtkazgan. 2012-yilning 24-martida Josh Meekings „Aberdeen“ futbol klubi ustidan 1:0 hisobida gʻalaba qozongan oʻyindagi ikkinchi qoidabuzarlikdan soʻng faoliyatida birinchi marta qizil kartochka olgan.
2012—2013-yilgi mavsum boshida Josh Meekings markaziy himoyada oʻynaydigan klubning doimiy asosiy futbolchisiga aylangan. 2012-yilning 15-dekabrida Josh Meekings „Dundee United“ futbol klubiga qarshi oʻyinda (4:4) avtogol muallifiga aylangan. Shunga qaramay, bir necha kundan soʻng, Josh Meekings klub bilan yangi ikki yillik shartnomani imzolagan. Josh Meekingsning mavsumdagi ajoyib mavsumi va barqaror formasi unga 2013-yil mart oyidagi SPLda oyning eng yaxshi yosh futbolchisi sovrinini qoʻlga kiritishiga yordam bergan.
2015—2016-yilgi mavsumda Josh Meekings Yevropa ligasining ikkinchi saralash bosqichi doirasidagi oʻyinlarda klubning asosiy jamoasi safida maydonga tushgan. Shundan soʻng, Josh Meekings mavsumning boshidagi oʻyinida („Motherwell“ futbol klubiga qarshi oʻyinda) tizzasidan jarohat olib, tez orada safdan chiqqan. Josh Meekings mavsum davomida jarohat bilan kurashishda davom etgan va 2016—2017-yilgi mavsumdan keyin „Inverness“ futbol klubini tark etgan.
Dundee
"Dundee" futbol klubi Josh Meekings 2017-yilning avgust oyida klub bilan bir yillik shartnoma imzolagan. Mavsumning birinchi yarmida Josh Meekings klub safida turli uchrashuvlarda ishtirok etgandan soʻng, uning ikkinchi yarmida turli xil jarohatlar olgan. Shunga qaramay, Josh Meekings 2018-yilning mart oyida klub bilan shartnomasini ikki yilga uzaytirgan. Afsuski, jarohatlar Josh Meekingsni bezovta qilishda davom etargan.
Josh Meekings 2020-yil iyun oyida shartnomani uzaytirishni rad etganidan soʻng „Dundee“ futbol klubini tark etgan.
Wealdstone
2021-yil yanvar oyida Josh Meekings Milliy liga vakili „Wealdstone“ futbol klubi bilan shartnoma imzolagan. Josh Meekings 18-yanvar kuni klub safida oʻzining debyut oʻyinini oʻtkazgan. Meekingsning „Wealdstone“ klubidagi mavsumi jarohat tufayli samarasiz oʻtgan. Josh Meekings mavsum oxirida atigi 4 ta oʻyindan soʻng klubni tark etgan.
Brora Rangers
2021-yil iyun oyida Josh Meekings „Brora Rangers“ futbol klubi bilan uch yillik shartnoma imzolagan.Josh Meekings 2022-yilning aprel oyida „Brora“ futbol klubi bilan Liga kubogini qoʻlga kiritgan. Josh Meekings oʻsha yilning oxirida „Brora“ futbol klubi bilan oʻyinchi va murabbiy sifatida ikkinchi sovrinini (Milliy kubok) qoʻlga kiritgan.
Faoliyat statistikasi
2022-yil 8-oktyabr holatiga ko'ra;
Yutuqlar
Inverness Caledonian Thistle Individual Manbalar
uz.wikipedia.org