José Miguel Cubero
Jose Miguel Cubero Loria (1987-yil 14-fevralda tugʻilgan) — Kosta-Rikalik futbolchi, Liga Deportiva Alajuelense va Kosta- Rika milliy futbol jamoasida yarim himoyachi sifatida oʻynaydi.
Klubdagi faoliyati
Kubero Sarchi shahrida tugʻilgan. U Herediano uchun professional debyutini 2006-yilning 26-martida Santakrusenyaga qarshi oʻtkazgan va 2009-yilda Puntarenasda ijara asosida oʻynagan. U 2013-yilning aprel oyida Herediano bilan shartnomani uch yilga uzaytirgan.
2014-yil 31-iyulda Cubero Chempionship jamoasi Blackpool bilan yana 12 oylik shartnoma imzolagan. U " Blackpool "dagi debyutini 27-sentabr kuni " Norvich City "ga qarshi oʻyinda (3:1) oʻtkazgan. 2015-yilning avgust oyida Blackpool MLS klubi Sietl Soundersdan Kubero boʻyicha taklifni rad etgani va ular uning shartnomasini 12 oyga uzaytirishini daʼvo qilingan edi.
2017-yil 31-iyulda u CD Alcoyano bilan shartnoma imzolagan.
Xalqaro faoliyati
U 2007-yilda Kanadada oʻtkazilgan FIFA U-20 Jahon chempionatida ishtirok etgan.
Cubero Kosta-Rika terma jamoasi safida debyutini 2010-yil avgust oyida Paragvayga qarshi oʻrtoqlik oʻyinida oʻtkazgan. U oʻz mamlakatini FIFA Jahon chempionati saralash bosqichidagi 9 ta oʻyinda himoya qilgan va 2014-yilgi FIFA Jahon kubogi, 2011-yilgi Centroamericana kubogi hamda 2011-yilgi Amerika Kubogida oʻynagan. 2011-yilgi KONKAKAF Oltin kubogida ham ishtrok etgan.
Cubero Kosta-Rika terma jamoasi bilan 53 ta oʻyin oʻtkazib, ikkita gol urgan. Ulardan biri 2014-yilgi FIFA Jahon chempionati saralash bosqichi doirasida El Salvadorga qarshi oʻyin vaqtida urilgan, bu Kosta-Rikaliklarga muhim gʻalabani keltirgan. Cubero bu gʻalabani faoliyatidagi eng muhim gʻalaba deb hisoblaydi.
Kosta-Rika futbol boʻyicha 2014-yilgi Jahon chempionati chorak finalida Gretsiyani magʻlub etganidan soʻng, Cubero qattiq yigʻlagan. Ueylon Frensis esa u bilan birga „¡Llore conmigo, papi!“ deb baqirib bayramni nishonlamoqchi boʻlgan. („Men bilan yigʻla, dada!“), bu ibora hozir Kosta-Rikada mashhur.
Yutuqlari
Klub
Alajuelense
Manbalar
uz.wikipedia.org