Joris Mathijsen

Joris Matijsen (talaffuzi: Yoris Mateysen; 1980-yil 5-aprelda tugʻilgan) — gollandiyalik sobiq professional futbolchi, markaziy himoyachi sifatida oʻynagan. Willem II futbol direktori.

Klublardagi faoliyati

Mathijsen futbolchilik faoliyatini Goirledagi SV VOABda boshlagan. Toʻqqiz yoshida Willem IIning yosh toifadagi jamoasiga qoʻshilgan. 1998—1999-yilgi mavsumda asosiy jamoaga oʻtdi. 1999-yil 27-fevralda FC Utrechtga qarshi oʻyinda debyut qildi. Willem IIda olti mavsum oʻtkazgandan soʻng, AZga oʻtdi. AZ safida 2 mavsum oʻynaganidan soʻng 2006-yilda Germaniyaning Bundesligasi vakili Hamburger SV ga 6 mln yevro evaziga shartnoma imzoladi. 2007-yil 20-oktyabrda VfB Stuttgartga qarshi o‘yinda Hamburgning Bundesligadagi 2500-golini (klubdagi birinchi golini) kiritdi.

2008-yilning noyabrida Hamburg shartnomasin uzaytirdi. 2011-yilning iyun oyi oʻrtalarida esa Ispaniya La Ligasi vakili Málagaga 2 yilga oʻtdi.

2012-yil 10-avgust kuni Matijsen Feyenoord bilan shartnoma imzoladi.

Xalqaro faoliyati

2004-yil 17-noyabrda Mathiysen Gollandiya terma jamoasi safida Andorraga qarshi oʻyinda (3:0) debyut qilgan.

Avstriya va Shveysariyadagi UEFA Yevro-2008 uchun Gollandiya terma jamoasiga chaqirilgan. Dastlab Wilfred Bouma Mathijsenning oʻrnini egallash xavfi bor edi. Ammo Yevro-2008da munosib oʻyin koʻrsatdi va jamoaning asosiy himoyachisi boʻldi.

Matijsen 2010-yilgi Jahon chempionati saralash bosqichida terma jamoasi safida boʻlgan. Gollandiya terma jamoasining boshqa oʻyinchilaridan koʻra koʻproq maydonda harakat qildi va saralash guruhida kam gol oʻtkazib yuborishda muhim rol oʻynadi.

2010-yilgi jahon chempionatida Bert van Marwijk Mathijsenni Gollandiya terma jamoasi tarkibiga kiritdi. Musobaqadagi birinchi oʻyinida terma jamoasi Daniya ustidan 2:0 hisobida gʻalaba qozondi.

Faoliyat statistikasi

Xalqaro

Ballar va natijalar birinchi boʻlib Gollandiyaning gollari roʻyxatini koʻrsatadi, ballar ustuni Matijsenning har bir golidan keyin hisobni koʻrsatadi.

Manbalar

uz.wikipedia.org