Jorge Carrascal
Jorge Andrés Carrascal Guardo (talaffuzi: Xorxe Andres Karraskal Gvardo; 1998-yil 25-mayda Kolumbiyada tugʻilgan) — kolumbiyalik futbolchi, „CSKA“ futbol klubi yarim himoyachisi.
Klublardagi faoliyati
Jorge Carrascal professional faoliyatini „Millonarios“ futbol klubida boshlagan. 2014-yilning 10-noyabrida Mustang kubogida „Deportes Tolima“ futbol klubiga qarshi debyut qilgan. 2016-yilning yozida Jorge Carrascal Ispaniyaning „Sevilla“ futbol klubiga oʻtgan. Oʻyin amaliyotiga ega boʻlish uchun u ikkinchi jamoaga yuborilgan. 2-sentyabr kuni „UCAM Murcia“ futbol klubi bilan oʻyinda u Ispaniya Segundasida debyut qilgan.
2017-yilning yozida Jorge Carrascal „Karpaty“ futbol klubiga ijaraga oʻtgan. 23-iyul kuni „Vorskla“ futbol klubiga qarshi oʻyinda u Ukraina chempionatida debyut qilgan. 10-sentyabr kuni „Veres“ futbol klubiga qarshi kechgan bahsda Jorge Carrascal „Karpaty“ safida ilk golini urgan .
2019-yil yanvar oyi oxirida Jorge Carrascal yil oxirigacha Argentinaning „River Plate“ futbol klubiga ijaraga oʻtgan. „Independiente“ futbol klubiga qarshi oʻyinda Argentina premyer ligasida debyut qilgan. 28-iyul kuni „Argentinos Juniors“ futbol klubiga qarshi bahsda Jorge Carrascal „River Plate“ futbol klubi safida ilk golini urgan. Ijara muddati tugagach, klub futbolchining transferini sotib olgan. 2020-yilda Libertdores kubogida u Peruning „Deportivo Binacional“, Ekvadorning „LDU Quito“ va Urugvayning „Nacional“ futbol klubiga qarshi 3 ta gol urgan.
2022-yilning 18-fevralida Jorge Carrascal 2021—2022-yilgi mavsum oxirigacha ijara asosida Moskvaning „CSKA“ jamoasiga o‘tgan. 2022-yilning 26-fevralida Moskvaning „Spartak“ jamoasiga qarshi o‘yinda u Rossiya chempionatida debyut qilgan. 2022-yilning 20-martida u „CSKA“ safida „Rubin“ futbol klubiga qarshi o‘yinda (6:1) ilk golini kiritgan. 2022-yilning 20-may kuni klub „River Plate“ futbol klubidan Jorge Carrascalni sotib olgan va u bilan 2026-yilgacha shartnoma imzolagan.
Xalqaro faoliyati
2015-yilda Kolumbiya yoshlar terma jamoasi tarkibida Jorge Carrascal Paragvayda boʻlib oʻtgan Janubiy Amerika yoshlar chempionatida ishtirok etgan. Turnirda Urugvay, Argentina, Ekvador, Braziliya va Paragvay terma jamoalariga qarshi oʻyinlarda ishtirok etgan. Argentinaliklarga qarshi kechgan bahsda Jorge Carrascal gol urgan.
Statistika
Manbalar
uz.wikipedia.org