Jordy Hiwula

Jordy Hiwula-Mayifuila ( talaffuzi: Jordi Xivula-Mayifuila 1994-yil 21-sentyabrda tugʻilgan) — ingliz professional futbolchisi, Shotlandiya Premyer-ligasining Ross County klubida hujumchi sifatida oʻynaydi.

Klub faoliyati

Jordy mahalliy Fletcher Moss Rangers klubiga qo'shildi va u yerdan "Manchester City" ga o'tdi. 2012-13-yilgi mavsumning ko'p qismini jiddiy jarohati tufayli o'tkazib yuborgan. U 2013-14-yilgi mavsumda "Manchester City" ning 21 yoshgacha bo'lgan jamoasi uchun 31 o'yinda 20 ta gol urgan. Shundan so'ng uning shartnomasi ikki yilga uzaytrilib, 2016-yilgacha davom etdi.

Huddersfield Town

2015-yilning 17-iyulida Jordy Chempionship jamoasi “ Huddersfield Town” bilan noma’lum to‘lov evaziga uch yillik shartnoma imzoladi. Mavsumning dastlabki o‘yinida “Hull City” ga qarshi o‘yinda foydalanilmagan zaxira o‘yinchisi sifatida qoldi. U “Huddersfield Town” safida debyut qildi va birinchi turda “Notts County” ga qarshi o‘yinning 65-daqiqasida Tommy Smith o‘rniga maydonga tushdi.

Wigan Athletic (ijara)
2015-yil 27-avgustda Jordy futbol ligasining birinchi jamoasi "Wigan Athletic" ga mavsumiy ijara asosida qo'shildi. U Wigan Athletic uchun ikkinchi o'yinida Chesterfieldga qarshi kechgan o'yinda g'alabaga erishdi. 2016-yilning 1-fevralida Jordy “Wigan” dagi ijara muddatidan erta chaqirib olindi.

Walsall (ijara)
2016-yilning 4-martida Jordy 2015-2016-yilgi mavsum oxirigacha ijara asosida “Walsall”ga o‘tgani ma’lum bo‘ldi.

Bradford City (ijara)
U 2016-yilning iyul oyida Bradford City jamoasiga ijara asosida qo'shildi.

Fleetwood Town (ijara)
2017-yilning 5-iyulida Jordy 2016-17-yilgi mavsum uchun Birinchi liga jamoasi Fleetwood Townga ijara asosida qo‘shildi. U 2017-yilning 8-avgustida “Carlisle United” ga qarshi EFL kubogida 2:1 hisobida mag‘lubiyatga uchrab, “Fleetwood” safidagi ilk golini kiritdi.

Coventry City

2018-yilning 2-avgustida Jordy 1-liga klubi “Coventry City” bilan noma’lum to‘lov evaziga ikki yillik shartnoma imzoladi . U "Coventry" uchun birinchi go'lini EFL Trophy musobaqasida "Forest Green Rovers" darvozasiga kiritdi. Ular bu o'yinda 1:1 hisobidagi durangdan keyin penaltilar seriyasida g'alaba qozondi. Uning birinchi ligadagi go'li 20-oktyabr kuni Southend Unitedga qarshi o'yinda kiritildi. U keyingi ikki o'yinda gol urib, Coventryga Bradford City va Doncaster Roversni mag'lub etishga yordam berdi.

Doncaster Rovers

2021-yil 10-iyulda Jordy 1-liganing Doncaster Rovers jamoasiga ikki yillik shartnoma asosida qo‘shildi.

Ross County

2022-yil 28-iyun kuni Jordy Shotlandiya Premer-ligasining “ Ross County” klubiga nominal to‘lov evaziga qo‘shildi va klub bilan ikki yillik shartnoma imzoladi.

Xalqaro martaba

Jordy Angliyani U18 darajasida himoya qilgan. Polshaga qarshi 3:0 hisobidagi g'alabada bir marta go'l urgan. Shuningdek Jordy Angilya U19 darajasida Estoniyaga qarshi debyutida go'l urgan.

Shaxsiy hayot

Hiwula Angliyada tug'ilgan. Kelibe chiqishi Angoladan. Jordy “Manchester United” muhlisi hisoblanadi

Faoliyat statistikasi

Manbalar

uz.wikipedia.org