Jordan Larsson
Carl Henrik Jordan Larsson (talaffuzi: Karl Henrik Jordan Larsson; 1997-yil 20-iyunda Janubiy Kareyada tugʻilgan) — shved futbolchisi, „Schalke 04“ futbol klubi va Shvetsiya terma jamoasi hujumchisi.
Klublardagi faoliyati
Uning otasi Henrik oʻgʻlining ismini mashhur basketbolchi Maykl Jordan sharafiga Jordan deb nomlagan. U futbol oʻynashni otasi 2004-yildan 2006-yilgacha oʻynagan Ispaniyaning „Barcelona“ futbol klubi akademiyasida boshlagan. 2006-yilda otasi bilan birga „Barcelona“ futbol klubinini tark etib, vataniga koʻchib ketgan. 2014-yilning yanvarida „Manchester United“ futbol klubi Jordan Larssonga qiziqish bildirgan.
2019-yil 2-avgustda u Moskvaning „Spartak“ futbol klubi futbolchisiga aylangan. Transfer summasi 4 million yevro boʻlib, shartnoma 4 yilga imzolangan. Jordan Larsson „Spartak“ futbol klubi tarixida Kim Kalstryomdan keyin ikkinchi shved futbolchisiga aylangan.
2022-yil 5-avgustda erkin agent sifatida Germaniyaning „Schakle 04“ futbol klubiga oʻtgan va 2025-yilgi mavsum oxirigacha shartnoma imzolagan. Yangi klubida Jordan Larsson 7-raqam ostida oʻynay boshlagan.
Xalqaro faoliyati
2012-yildan beri Jordan Larsson Shvetsiyaning oʻsmirlar va yoshlar terma jamoalarida toʻp suradi. 2016-yilda u Rio-de-Janeyro Olimpiadasi ishtirokchilarining dastlabki roʻyxatiga kiritilgan, biroq oʻz klubining qarshiliklari tufayli u turnirda ishtirok etmagan va uning oʻrnini Valmira Berisha egallagan.
2018-yilning 7-yanvarida u Shvetsiya terma jamoasi safida Estoniya terma jamoasiga qarshi oʻrtoqlik uchrashuvida debyut qilgan. 2020-yil 9-yanvar kuni Jordan Larsson Shvetsiya terma jamoasi safidagi ilk golini Moldova terma jamoasiga qarshi oʻrtoqlik uchrashuvida (1:0) kiritgan.
2021-yil 18-may kuni Jordan Larsson terma jamoadan Yevro-2020 turnirida ishtirok etish uchun taklif olgan.
Shaxsiy hayoti
Jordan Larssonning otasi Henrik Shvetsiya terma jamoasi safida 106 oʻyin oʻtkazgan va 37 gol urgan mashhur futbolchi boʻlib, tarixdagi eng yaxshi shvetsiyalik futbolchilardan biri hisoblanagan.
2021-yil 27-iyulda Jordan Larsson oʻgʻil farzandli boʻlgan.
Statistikasi
Manbalar
uz.wikipedia.org