Jordan Green
Jordan Julious Green (talaffuzi: Jordan Julius Grin) (1995-yil 22-fevralda tugʻilgan) — angliyalik professional futbolchi. Jordan Green EFL Ikkinchi liga vakili „Gillingham“ futbolo klubida hujumchi sifatida oʻynaydi.
Faoliyati
Jordan Green „Fulham“ fdutbol klubi akademiyasida 5 yil taxsil olgan va 16 yoshida akademiyani tark etgan. Bunga sabab murabbiylar uni juda kichik deb bilishgan, chunki oʻsha paytda uning boʻyi atigi besh fut edi. Akademiyani tark etganidan soʻng Jordan Green „Phoenix“ futbol klubi uchun ligadan tashqari futbol oʻynadi. 2014-yil noyabr oyida Jordan Green „Banbury United“ futbol klubiga qoʻshilishdan oldin 2014—2015-yilgi mavsumda 26 liga oʻyinida toʻrtta gol urdi. Klubdagi faoliyati davomida Green mahalliy „Waitrose“ supermarketida tokchalarni yigʻuvchi sifatida yarim kunlik ishlagan edi.
AFC Bournemouth
Jordan Green mavsum oxirida futbolni tark etishni oʻylagan edi, biroq uning agenti Jordan Greenni 2015-yilda Premer-liganing "AFC Bournemouth" futbol klubi jamoasida oʻzini sinab koʻrishni taklif qildi. Green sinovni oʻzi moliyalashtirdi va murabbiy Stephan Purches bilan mashgʻulot paytida va „Arsenal“ va „Salisbury“ futbol klublariga qarshi oʻrtoqlik oʻyinlarida yetarlicha taassurot qoldirdi va klub bilan dastlabki bir yillik shartnomani imzoladi.
2017-yilning 31-yanvarida Green 2016—2017-yilgi mavsum oxirigacha ijara asosida Ikkinchi liga vakili „Leyton Orient“ futbol klubiga qoʻshildi.
Yeovil Town
2017-yil 16-avgustda Green Ikkinchi liga klubi „Yeovil Town“ futbol jamoasi bilan bepul transfer asosida bir yillik shartnoma imzoladi.
Barnsley
2019-yilning 18-yanvarida Jordan Green nomaʼlum toʻlov evaziga Birinchi Liga klubi „Barnsley“ futbol jamoasi bilan ikki yarim yilga moʻljallangan shartnoma imzoladi.
2020-yil 14-yanvarda Green oʻzining sobiq ijara klubi „Newport County“ futbol jamoasiga 2019—2020-yilgi mavsum oxirigacha ijara asosida qayta qoʻshildi. U „Newport County“ futbol klubi uchun ikkinchi debyut oʻyinini 2020-yil 18-yanvar kuni „Swindon Town“ futbol klubiga qarshi oʻyinda (2:0) oʻtkazdi. Green „Newport“ klubi uchun birinchi golini 2020-yil 25-fevralda „Grimsby Town“ futbol klubiga qarshi oʻyinda (4:2) kiritdi.
Green 2020-yil 20-avgustda Ikkinchi ligaga yana ijaraga oʻtdi va olti oylik shartnoma asosida „Southend United“ futbol klubiga qoʻshildi. Oktyabr oyi boshida Green toʻpigʻidan jarohat olganidan soʻng uning ijara muddati toʻxtatildi.
2021-yilning 4-yanvarida Jordan Greenning „Barnsley“ futbol klubi bilan shartnomasi oʻzaro kelishuvga koʻra bekor qilindi.
Gillingham
15-iyul kuni Green mavsumoldi sinovidan muvaffaqiyatli oʻtganidan soʻng, ikkinchi liga jamoasi „Gillingham“ futbol klubi bilan shartnoma imzoladi. Green klub uchun birinchi golini EFL kubogining birinchi bosqichida „AFC Wimbedon“ futbol klubiga qarshi oʻyinda kiritdi va jamoasini ikkinchi bosqichga olib chiqdi.
Faoliyat statistikasi
Manbalar
uz.wikipedia.org