Joʻrabek karvonsaroyi
Joʻrabek karvonsaroyi — Oʻzbekistonning Buxoro shahri tarixiy markazida joylashgan madaniy meros yodgorligi. Oʻzbekiston moddiy va madaniy merosining koʻchmas mulk obyektlari milliy roʻyxatiga kiritilgan — davlat muhofazasiga olingan.
Karvonsaroy buxorolik yirik boylardan biri boʻlgan Joʻrabek Arabov tomonidan bunyod etilgan. 1920-yilgi Buxoro inqilobiga qadar unda qorakoʻl terisi ulgurji savdosi bilan shugʻullanilgan. Binoning 2-qavatida Union Bankning filliali faoliyat yuritgan. Bino 2018—2019-yillarda kapital taʼmirdan chiqarilib, hozirda unda miniatyura maktabi faoliyat yuritib kelyapti.
Manbalar
uz.wikipedia.org