Joonas Kolkka

Joonas Einari Kolkka (talaffuzi: Yoonas Kolkka; 1974-yil 28-sentyabrda tugʻilgan) — Finlandiyalik nafaqadagi professional futbolchi, faoliyatining asosiy qismida chap qanot himoyachisi sifatida oʻynagan. Finlandiya, Gollandiya, Gretsiya, Germaniya, Angliya va AQShning bir qancha klublarida oʻynagan.

Klublardagi faoliyati

Lahti shahrida tugʻilgan Kolkka oʻz faoliyatini Finlandiyaning Veikkausliiga shahrida Reipas Lahti va MyPa klublari bilan boshlagan. 1995-yilda MyPa bilan Finlandiya kubogini yutgan, oʻsha yili Gollandiyaning Willem II jamoasiga qoʻshildi. 1998-yilda Kolkka 4 yillik shartnoma asosida Gollandiyaning PSV Eindhoven klubiga oʻtdi. PSVda ikki marta liga chempionligini qoʻlga kiritdi va UEFA Chempionlar ligasida oʻynashga muvaffaq boʻldi. 2001-yilda Gretsiyaning Panatinaikos jamoasiga oʻtdi va ikki mavsum oʻynadi. Gretsiyani tark etgach, Kolkka Germaniya Bundesligasining Borussia Mönchengladbach va Angliya premyer-ligasining Crystal Palace klublarida bir mavsumdan oʻynadi. Klubdagi faoliyati davomida „Enfild“ va „Old Trafford“da ham gol urdi. 2005-yilda erkin agent boʻldi. Niderlandiyaga qaytib, ADO Den Haag bilan bir yillik shartnoma imzoladi. ADOdagi bir mavsumdan soʻng, 2006-yilning yozida Gollandiyaning Feyenoord jamoasi bilan bir yillik shartnoma imzoladi. Shartnoma muddati tugaganidan keyin 2011-yil yozigacha NAC Breda safida oʻynadi. 2011-yilda oʻzining sobiq klubi Willem II bilan shartnoma imzoladi. Jamoada oʻyinchi va klubning savdo menejeri sifatida ishladi.

2012-yil 4-may kuni Kolkka Amerika futbolining uchinchi darajasidagi Texas Dutch Lions bilan uch oylik shartnoma imzolagani eʼlon qilindi. Klubdagi shartnomasi tugaganidan soʻng, Kolkka Gollandiyaga qaytib, sobiq klubi PSVda yoshlar murabbiyi sifatida ishladi.

Xalqaro faoliyati

Kolkka Finlandiya terma jamoasidagi debyutini 1994-yilning 26-oktabrida Estoniyaga qarshi o‘yinda o‘tkazgan. 2010-yilgacha Finlandiyaninig asosiy tarkib oʻyinchisi boʻlgan.

Faoliyat statistikasi

Xalqaro

Ballar va natijalar birinchi boʻlib Finlandiyaning gollari roʻyxatini koʻrsatadi, ballar ustuni har bir Kolkka golidan keyin ochkoni koʻrsatadi.[7]

Yutuqlari

MyPa

PSV

Finlandiya

Manbalar

uz.wikipedia.org