Jonathan Osorio (futbolchi)
Jonathan Osorio (talaffuzi: Jonatan Osorio; 1992-yil 12-iyunda Kanadaning Toronto shahrida tugʻilgan) — kanadalik futbolchi, „Toronto“ futbol klubi va Kanada terma jamoasi yarim himoyachisi.
Klublardagi faoliyati
Jonathan Osorio „Toronto“ futbol klubi tarbiyalanuvchisi hisoblanadi. 2013-yilning 9-martida u MLSdagi debyutini „Sporting Kansas City“ futbol klubiga qarshi o‘tkazgan. 30-mart kuni „Los Angeles Galaxy“ futbol klubiga qarshi oʻyinda Jonathan Osorio „Toronto“ futbol klubi safida birinchi golini urgan. Mavsum yakunlangach, Jonathan Angliyaning „Huddersfield Town“ va Germaniyaning „Werder Bremen“ jamoalarida mashgʻulotlar olib borgan. 2017-yilda Jonathan Osorio MLS kubogini qoʻlga kiritgan. 2018-yilgi CONCACAF Chempionlar Ligasida Jonathan Osorio „Colorado Rapids“ futbol klubiga, shuningdek, Meksikaning „UANL Tigres“, „Amerika“ va „Guadalajara“ futbol klubiga qarshi oʻyinlarda urgan toʻrtta gollari bilan eng yaxshi toʻpurar sifatida „Oltin butsa“ni qoʻlga kiritgan. 2018-yilning 30-avgustida u „Toronto“ futbol klubi bilan shartnomasini bir necha yilga uzaytirgan.
Xalqaro faoliyati
2011-yilda Jonathan Osorio Gvatemalada boʻlib oʻtgan CONCACAF yoshlar chempionatida Kanada yoshlar jamoasi tarkibida oʻynagan. Turnirda u Gvadelupa, Kosta-Rika va Meksika jamoalariga qarshi oʻyinlarda ishtirok etgan.
2013-yil 29-mayda Kosta-Rikaga qarshi oʻrtoqlik uchrashuvida Jonathan Osorio Kanada terma jamoasi safida debyut qilgan. 2013-yilda Jonatan terma jamoaning CONCACAF oltin kubogiga daʼvogarlik qilgan edi. Turnirda Jonathan Osorio Martinika, Meksika va Panama terma jamoalariga qarshi oʻyinlarda ishtirok etgan.
2015-yilda Jonathan Osorio CONCACAF oltin kubogi uchun oʻyin tarkibga kiritilgan. Turnirda u Kosta-Rika va Yamayka terma jamoalariga qarshi oʻyinlarda ishtirok etgan.
2017-yilning 22-yanvarida Jonathan Osorio terma jamoadagi ilk golini Bermud oroliga qarshi o‘yinda kiritgan.
Oʻsha yili Jonathan Osorio uchinchi marta terma jamoa tomonidan CONCACAF oltin kubogi uchun tanlangan. Turnirda u Gonduras terma jamoasiga qarshi oʻyinda maydonga tushgan.
Jonathan Osorio 2019-yilgi CONCACAF oltin kubogi uchun Kanada terma jamoasiga kiritilgan.
U 2021-yilgi CONCACAF oltin kubogi uchun tarkibga kiritilgan.
Statistika
Manbalar
uz.wikipedia.org