John van den Brom
Joseph Anthonius John van den Brom (talaffuzi: Jon van den Brom; 1966-yil 4-oktyabrda tugʻilgan) — gollandiyalik sobiq professional futbolchi va Ekstraklasaning Lech Poznan jamoasi murabbiyi. Futbolchi sifatida Vitesse, Ajax, De Graafschap va İstanbulspor klublarida oʻynagan. Futbolchilikni tugatib murabbiy boʻldi. AGOVV Apeldoorn (2007—2010), ADO Den Haag (2010—2011), Vitesse (2011—2012) va Anderlecht (2012—2014) klublarida bosh murabbiy bo‘lib ishlagan. AZda besh yil murabbiylik qilib, 2019—2020-yilgi mavsumdan boshlab „Utrecht“ klubi murabbiyi boʻldi.
Faoliyati
Klublardagi faoliyati
Niderlandiyaning Amersfoort shahrida tugʻilgan Van den Brom oʻz faoliyatini 1986-yilda Amersfortdagi APWCning havaskor jamoasida boshlagan. „Vitess“ bilan yetti mavsumda 225 oʻyin oʻtkazdi va 80 gol urdi. 1993-yilda Gollandiya grandi Ajaxga oʻtdi. Undan keyin ikki mavsum davomida Turkiyaning İstanbulspor jamoasi bilan oʻynadi. Bir mavsumdan soʻng Vitessga qaytdi va besh mavsumini oʻtkazdi. 2003-yilda, De Graafschapda faoliyatini yakunladi.
Xalqaro faoliyati
Van den Brom Gollandiya terma jamoasida ikkita oʻyinda maydonga tushgan va bitta gol urgan.
Murabbiylik faoliyati
Futbolchilik faoliyatidan soʻng jamoasi Bennekomning bosh murabbiyi boʻldi. 2004-yil 29-aprelda „Ajax“ning ikkinchi jamoasi murabbiyi boʻldi. 2007-yildan 2010-yilgacha Eerste Divisie klubi AGOVV Apeldoorn bosh murabbiyi boʻlib ishlagan. 2010-yil may oyida Eredivizion klubi ADO Den Haagnga oʻtdi va klub bilan 2011—2012-yilgi Yevropa Ligasiga yoʻllanmani qoʻlga kiritishga erishdi. 2011-yil iyun oyida Van den Brom sobiq klubi Vitess bosh murabbiyi etib tayinlandi.
2012-yilning 29-mayida Belgiyaning Anderlecht klubi bilan bosh murabbiy sifatida shartnoma imzoladi. 2014-yil 10-martda ishdan boʻshatildi.
2014-yil 27-sentabrda Van den Brom AZ bilan shartnoma tuzganligi maʼlum bo‘ldi. AZda besh yil faoliyat koʻrsatganidan soʻng, 2019—2020-yilgi mavsumdan boshlab Utrecht klubida faoliyatini davom ettirdi.
2020-yil noyabr oyida Belgiya birinchi divizioni Genk jamoasining yangi bosh murabbiyi etib tayinlandi. 2021-yil 6 dekabrda ishdan boʻshatildi.
2022-yil 31-mart kuni van den Brom Saudiya Arabistoni Professional Ligasi Al-Tavun klubi bosh murabbiyi etib eʼlon qilindi.
2022-yil 19-iyunda Polsha Ekstraklasa chempioni Lech Poznan murabbiyi boʻldi.
Faoliyati statistikasi
Murabbiylik faoliyati
12-noyabr, 2022-yil
Yutuqlari
Futbolchi sifatida
Vitesse Ajax Murabbiy sifatida
Anderlecht Genk Manbalar
uz.wikipedia.org