John McGinn
John McGinn (talaffuzi: Jon MakGinn) 1994-yil 18-oktyabrda Glazgoda tugʻilgan. Shotlandiya futbolchisi, Angliyaning „Aston Villa“ klubi yarim himoyachisi, 2022-yil iyul oyi oxiridan buyon jamoa sardori. 2020- yilgi Shotlandiya xalqaro Yevropa chempionati ishtirokchisi.
John McGinnning ikkita katta Stiven va Pol ismli akaslari bor. Ular ham professional futbolchi.
Jamoalardagi faoliyati
John McGinn — „St.Mirren“ klubi bitiruvchisi. 2012-yilning 20- oktyabrida u Shotlandiya Premer-ligasida „Celtic“ ga qarshi debyut qildi. 2013-yilning 18-may kuni „Kilmarnock“ qarshi kechgan duelda John McGinn „St.Mirren“ uchun birinchi golini urdi. Debyut mavsumida u jamoaga Shotlandiya liga kubogini yutishda yordam berdi.
2015-yilning yozida John McGinn „Hibernian“ga koʻchib oʻtdi va 4 yillik shartnoma imzoladi. 8-avgust kuni u Shotlandiya chempionatida „Dumbarton“ga qarshi debyut qildi . „Alloa Athletic“ga qarshi duelda John McGinn „Hibernian“ uchun birinchi golini urdi. Oʻzining debyut mavsumida John McGinn Shotlandiya kubogini qoʻlga kiritdi va bir yildan soʻng klubga elitaga qaytishga yordam berdi. 2017-yilning 5-avgustida u klubdagi eng yuqori darajadagi debyutini „Partik Title“ga qarshi o‘tkazdi.
2018-yilning yozida John McGinn Angliyaning „Aston Villa“ klubi bilan 4 yillik shartnoma imzoladi. 11-avgust kuni „Wigan Athletic“ga qarshi oʻyinda u chempionatda debyut qildi. 22-sentabr kuni „Sheffield Wednesday“ga qarshi kechgan duelda John McGinn „Aston Villa“ uchun birinchi golini urdi. Mavsum oxirida John McGinn klubga elitaga chiqishga yordam berdi. 2019-yilning 10-avgustida u Angliya Premer-ligasida „Tottenxem“ga qarshi bahsda debyut qildi.
Xalqaro karyerasi
2016-yil 29-mart kuni John McGinn Shotlandiya terma jamoasi safida Daniyaga qarshi o‘rtoqlik o‘yinida debyut qildi. 2019-yilning 6-sentyabr kuni 2020-yilgi Yevropa chempionati saralash bosqichi doirasida Rossiyaga qarshi o‘yinda u terma jamoadagi ilk golini urdi.
13-oktabr kuni San-Marino terma jamoasiga qarshi kechgan duelda John McGinn xet-trik qayd etdi.
2021-yilda John McGinn Yevropa chempionatida ishtirok etdi. Turnirda u Chexiya, Angliya va Xorvatiya bilan oʻyinlarda maydonga tushdi.
Statistikasi
Xalqaro statistikasi
Manbalar
uz.wikipedia.org