Johan Vásquez
Johan Felipe Vásquez Ibarra (1998-yil 22-oktabrda tugʻilgan) — meksikalik professional futbolchi, Serie A „Cremoneze“ klubiga „Genoa“dan ijaraga olingan.Meksika terma jamoasida markaziy himoyachi sifatida oʻynaydi.
Klubdagi faoliyati
Pumas UNAM akademiyasida bir necha yil ishlagandan soʻng, Vásquez birinchi marta 2015-yilda Tigres UANL yoshlar akademiyasiga qoʻshilgan. Keyin u 2016-yilda Cimarrones de Sonoraga joylashishdan oldin qisqa muddatni Poblado Migel Aleman FC ga oʻtkazgan.
2018-yilning aprel oyida Vásquez Monterreyga sotib olish opsiyasi bilan ikki yillik ijara shartnomasi asosida qoʻshilgan. Oxir-oqibat u Monterrey tomonidan 2 million AQSh dollariga sotib olingan va bu uni Meksika futbolining yuqori ikki ligasi oʻrtasidagi eng qimmat transferga aylantirgan.
2019-yil dekabr oyida Vásquez UNAMga sotib olish opsiyasi bilan ijara asosida qoʻshilgan. Ikki oy oʻtgach, uning huquqlarining 50 foizi UNAM tomonidan sotib olingan.
2021-yil 16-avgustda Vásquez sotib olish majburiyati bilan A Seriyaning „Genoa“ klubiga mavsumiy ijara asosida qoʻshilgan.
2022-yil 18-iyun kuni Vásquez sotib olish opsiyasi bilan Cremonesega ijara asosida oʻtgan.
Xalqaro faoliyat
Yoshlar jamoasi
Vásquez xalqaro faoliyatini 23 yoshgacha boʻlgan terma jamoada boshlagan, u 2019-yilgi Panamerika oʻyinlarida ishtirok etgan va Meksika bronza medalini qoʻlga kiritgan. U, shuningdek, 2020-yilgi CONCACAF Olimpiya saralash chempionatida qatnashib, beshta oʻyinda bitta gol urgan va bu musobaqada Meksika gʻolib chiqgan. U turnirning eng yaxshi 11oʻyinchi roʻyhatiga kiritilgan. Keyinchalik Vásquez 2020-yilgi Yozgi Olimpiya oʻyinlarida ishtirok etish uchun chaqirilgan. Olimpiya terma jamoasi bilan bronza medalini qoʻlga kiritgan.
Kattalar terma jamoasi
2019-yilning 2-oktabr kuni Vásquez Trinidad va Tobagoga qarshi oʻrtoqlik oʻyinida kattalar terma jamoasidagi debyutini oʻtkazgan. U 63-daqiqada Paolo Yrizarning oʻrniga maydonga tushib, Meksikaning 2:0 hisobidagi gʻalabasiga yordam bergan.
Faoliyat statistikasi
Klub
Xalqaro
Yutuqlar
Monterrey Meksika U23 Shaxsiy yutuqlar Manbalar
uz.wikipedia.org