Joel Hanley

Joel Hanley (talaffuzi: Joel Xanli) (1991-yil 8-iyunda tugʻilgan) — kanadalik professional xokkey himoyachisi. Joel Hanley Milliy xokkey ligasining (NHL) „Dallas Stars“ xokkey jamoasida oʻynaydi.

Oʻyin faoliyati

Joel Hanley Ontario shtatining Keswick shahrida tugʻilgan. Yoshligida Joel Hanley „York-Simcoe Express“ kichik xokkey jamoasi bilan 2004-yilda Quebec Xalqaro Pee-Wee xokkey turnirida ishtirok etgan.

Joel Hanley kollejdagi karyerasidan soʻng, Amerika xokkey ligasi vakili „Portland Pirates“ xokkey jamoasi bilan birinchi professional shartnomasini imzoladi. Joel Hanley 2013—2015-yillar oraligʻida ikki mavsumni „Portland Pirates“ xokkey klubi safida oʻtkazdi.

2015-yil 1-iyulda Joel Hanley „Montreal Canadiens“ xokkey klubi bilan bir yillik ikki tomonlama shartnoma imzoladi. Joel Hanley 2015—2016-yilgi mavsumni „Montreal Canadiens“ klubining shoʻbasi „St. Johnʼs IceCaps“ xokkey jamoasi bilan boshladi. 2016-yil 20-martda asosiy klub jamaosi Joel Hanleyni oʻz saflariga chaqirib olishdi. Joel Hanley oʻsha kuni NHLdagi ilk oʻyinini „Calgary Flames“ xokkey klubiga qarshi uchrashuvda (4:1 hisobida gʻalaba) oʻtkazdi. Ikki kundan soʻng, Joel Hanley „Anaheim Ducks“ xokkey klubi ustidan 4-3 hisobida gʻalaba qozongan oʻyinda ikkita golli uzatma bilan NHL faoliyatidagi birinchi ikkita ochkosini qayd etdi.

2016-yil 22-iyun kuni „Montreal Canadiens“ xokkey klubi Joel Hanley bilan bir yillik ikki tomonlama yangi shartnoma imzolaganliklarini eʼlon qildi. Joel Hanley 2016—2017-yilgi mavsumning asosiy qismini „IceCaps“ klubi bilan oʻtkazdi.

2017-yil 1-iyulda Joel Hanley „Arizona Coyotes“ xokkey klubi bilan bir yillik ikki tomonlama shartnoma imzoladi.

2018-yilning 1-iyulida Joel Hanley „Dallas Stars“ xokkey klubi bilan bir yillik ikki tomonlama shartnoma imzoladi. 2019-yilning 20-fevralida „Dallas Stars“ klubi Joel Hanley bilan shartnomani yana ikki yilga uzaytirishdi.

Faoliyat statistikasi

Manbalar

uz.wikipedia.org