Joe Aribo
Joseph Oluwaseyi Temitope Ayodele-Aribo (1996-yil 21-iyulda tugʻilgan) — professional futbolchi, Premer-liganing „Southampton“ jamoasi va Nigeriya milliy futbol terma jamoasida yarim himoyachi sifatida oʻynaydi.
U klubdagi faoliyatini Staines Townda boshlagan. Soʻngra Angliya futbol ligasida Charlton Athletic jamoasi bilan toʻrt yil oʻtkazgan. 2019-yilda u „Rangers“ bilan shartnoma imzolaydi va jamoasi bilan 2021-yilda Shotlandiya premer ligasini va bir yildan keyin Shotlandiya kubogini qoʻlga kiritdi.
Londonda tugʻilib oʻsgan Aribo oʻz merosi tufayli Nigeriya terma jamoasida oʻynaydi. U 2019-yilda oʻzining birinchi chempionligini qoʻlga kiritadi va 2021-yilgi Afrika Millatlar Kubogi uchun terma jamoa tarkibiga kiritiladi.
Klublardagi faoliyati
Staines Town
Aribo Isthmian ligasi Premer-divizionida Marcus Gayle qoʻl ostida „Staines Town“ jamoasida oʻynaydi va 2014-yilning aprelida klub akademiyasining eng yaxshi futbolchisi sovrinini qoʻlga kiritadi.
Charlton Athletic
Aribo sinovlardan muvaffaqiyatli oʻtganidan soʻng 2015-yil sentyabrida „Charlton Athletic“ jamoasiga qo‘shiladi va 2016-yilning may oyida bir yillik shartnoma imzolaydi. U 2016-yil 16-oktyabrda The Valleyda bo‘lib o‘tgan EFL Trophy guruh bosqichida Crawley Townga qarshi o‘yinda Andrew Croftsning o‘rniga zaxiradan maydonga tushib, asosiy jamoada debyut qiladi. Uning EFL League Onedagi birinchi oʻyinini 17-dekabr kuni oʻz uyida „Peterborough United“ga qashi kechgan uchrashuvda oʻtkazadi va olti kundan keyin u jamoasi bilan shartnomasini 2019-yilgacha uzaytiradi.
Aribo faoliyatidagi ilk golini 2017-yilning 1-noyabrida EFL Trophy guruh bosqichida „Fulham“ga qarshi kechgan oʻyinda kiritadi. Uning ligadagi birinchi goli 23-dekabr kuni The Valleyda Bleckpoolga qarshi kechgan oʻyinda uriladi.
Aribo 2018-2019-yilgi mavsumning soʻnggi uchta oʻyinning barchasida gol uradi. 12-may kuni u pley- off yarim finalining birinchi o‘yinida Doncaster Rovers mehmoni bo‘lib, 2:1 hisobida g‘alaba qozonadi.
Rangers
2018-2019-yilgi mavsum oxirida Charlton tomonidan Ariboga yangi shartnoma taklif qilinadi, ammo u Shotlandiya Premer ligasining „Rangers“ jamoasi bilan toʻrt yillik shartnoma imzolashni afzal koʻrdi. U klubdagi debyutini 2019-yil 9-iyulda Yevropa ligasida Gibraltarning „St Joseph`s“ klubiga qarshi o‘yinda o‘tkazadi. Sakkiz kun oʻtgach, Ibrox ga qarshi kechgan oʻyinda u birinchi golini uradi. 25-sentyabr kuni u Livingston futbolchisi Ricki Lamie tufayli boshidan jarohat oladi va 20 ta chok qoʻyilib, bir oyga safdan chiqadi. Almondvaleda boʻlgan oʻyinda maydonga qaytib, 10-noyabr kuni ligadagi birinchi golini uradi.
Aribo „Rangers“ning 2020-2021-yilgi chempionlik mavsumida yettita gol uradi. May oyida u bosh murabbiy Steven Gerrard tomonidan maqtovga sazovor boʻldi. Chunki Livingstonda Borna Barisic ishtirok etmagan oʻyinda favqulodda chap qanot himoyachisi sifatida oʻynagan edi.
2021-2022-yillarda Aribo Yevropa Ligasining 17 ta oʻyinini oʻtkazadi va 18-may kuni „Eintracht“ga qarshi oʻyinda penaltilar seriyasida magʻlub boʻladi. Barcha musobaqalarda u 57 ta o‘yin o‘tkazib, 9 ta gol uradi va 10 ta golga assistentlik qiladi.
Southampton
2022-yil 9-iyulda Aribo „Southampton“ga o‘tadi va to‘rt yillik shartnoma imzolaydi. 2022-yil 6-avgustda Aribo Premer-ligadagi debyutini „Southampton“ning „Tottenham“ga qarshi kechgan o‘yinida o‘tkazadi. Bir hafta oʻtgach, Aribo „Southampton“ tarkibidagi birinchi golini „Leeds United“ga qarshi oʻyinda kiritadi.
Xalqaro faoliyati
2019-yil avgust oyida Ariboni Nigeriya terma jamoasi bosh murabbiyi Gernot Ror Ukraina bilan o‘rtoqlik uchrashuviga chaqiradi. U 10-sentabr kuni Dneprdagi o‘yinda debyut qiladi va oʻyinning to‘rtinchi daqiqasidayoq gol uradi. 13-oktyabr kuni u Braziliya bilan oʻrtoqlik oʻyinida ham raqib darvozasiga gol kiritadi.
Kamerunda boʻlib oʻtgan 2021-yilgi Afrika Millatlar Kubogida Aribo jamoasi bilan guruh bosqichida ikkita gʻalaba qozonadi va Tunisga qarshi 1/16 finalda magʻlubiyatga uchraydi.
Oʻyin uslubi
Aribo — markazda yoki keng yarim himoyada oʻynay oladigan koʻp qirrali futbolchi. Texnik jihatdan tezkor, uzun oyoqlari bilan to‘pni raqiblardan himoya qila oladi. 2016-yil oktabr oyida so‘zlagan nutqida u o‘zining kuchli tomonlari to‘pni his qila olishi va maydonda yaxshi harakat qila olishida ekanligini aytdi.
Faoliyati statistikasi
Klub
Xalqaro
Yutuqlari
Charlton Athletic Rangers Manbalar
uz.wikipedia.org