Jochen Hecht
Jochen Thomas Hecht (talaffuzi: Yoxen Tomas Hecht) (1977-yil 21-iyunda tugʻilgan) — nemis xokkey murabbiyi va sobiq professional xokkeychisi. Jochen Hecht 2022-yilning mart oyidan buyon „Adler Mannheim“ xokkey klubida yordamchi murabbiy sifatida ishlab kelmoqda.
Jochen Hecht Milliy Xokkey Ligasidagi (NHL) „St. Louis Blues“, „Edmonton Oilers“ va „Buffalo Sabres“ xokkey klublari uchun 833 ta oʻyin oʻtkazdi. U, shuningdek, Deutsche Eishockey Liga (DEL) vakili „Adler Mannheim“ xokkey klubi bilan faoliyatini boshladi va tugatdi.
Xalqaro oʻyinlardagi faoliyati
Jochen Hecht Germaniya milliy xokkey terma jamoasi bilan 2002-yilda Yuta shtatining Salt Lake City shahrida boʻlib oʻtgan qishki Olimpiada oʻyinlarida toʻrtta oʻyinda maydonga tushdi. Yakunda Germaniya milliy xokkey terma jamoasi sakkizinchi oʻrinni egalladi. Jochen Hecht ushbu musobaqada bitta gol va bitta golli uztmani oʻz hisobiga yozdirib qoʻydi. Jochen Hecht 2006-yili Italiyaning Turin shahrida boʻlib oʻtadigan qishki Olimpiya oʻyinlari uchun Germaniya milliy xokkey terma jamoasi tarkibiga kiritilgan edi. Biroq, u Olimpiya tanaffusidan oldin NHLdagi soʻnggi oʻyinida jarohat oldi va terma jamoada oʻynay olmadi. Jochen Hecht 1994—1997-yillarda Germaniya milliy xokkey terma jamoasi safida toʻrtta oʻsmirlar oʻrtasidagi xokkey boʻyicha jahon chempionatida ishtirok etdi va shveysariyalik Björn Christen bilan birga xokkey boʻyicha oʻsmirlar oʻrtasidagi jahon chempionatida oʻynagan oʻyinlari boʻyicha rekord oʻrnatdi.
Murabbiylik faoliyati
Jochen Hecht 2016-yil 2-avgustda „Adler Mannheim“ xokkey klubi uchun oʻyinchilarni rivojlantirish boʻyicha murabbiy etib tayinlandi. Jochen Hecht 2016-yilgi Germaniya kubogi vaqtida Germaniya erkaklar milliy xokkey terma jamoasi bosh murabbiyi Marco Sturmning yordamchisi boʻlib ishlagan edi. 2017-yil iyul oyida Jochen Hecht „Adler Mannheim“ xokkey klubida yordamchi murabbiy lavozimiga koʻtarildi va 2018-yilning may oyida murabbiylik litsenziyalarini olish uchun klub bilan xayrlashdi. Jochen Hecht Germaniya televideniesida xokkey boʻyicha ekspert sifatida ham ishlagan va 2022-yil 29-martda u „Adler Mannheim“ xokkey klubiga yordamchi murabbiy sifatida qaytgan edi.
Karyera statistikasi
Muntazam mavsum va pley-off oʻyinlari
Xalqaro
Manbalar
uz.wikipedia.org