Joao Rojas

Joao Robin Rojas Mendoza (talaffuzi: Joau Robin Roxas Mendoza; 1989-yil 14-iyunda La Tronkalda tugʻilgan) — ekvadorlik vinger. U Ekvador terma jamoasida faoliyat yuritadi.

Klublardagi faoliyati

Joao Rojas professional faoliyatini „Técnico Universitario“ futbol klubida boshlagan. 2009-yilda Joao Rojas „Emelec“ futbol klubiga koʻchib oʻtgan va u jamoa bilan birinchi kumush medalini qoʻlga kiritgan. 2011-yilda Joao Rojas Meksikaning „Monarkas Moreliya“ jamoasiga ijaraga oʻtgan. 9-yanvar kuni „Atlas“ futbol klubiga qarshi oʻyinda u Meksika premyer ligasida debyut qilgan. 20-fevral kuni „América“ futbol klubiga qarshi kechgan bahsda Joao Rojas jamoadagi ilk golini urgan.

2013-yilning yozida u „Cruz Azul“ futbol klubiga koʻchib oʻtgan. 21-iyul kuni „Monterrey“ futbol klubiga qarshi oʻyinda Joao Rojas yangi klub safida debyut qilgan. Bir hafta oʻtgach, „Santos Laguna“ futbol klubiga qarshi bahsda u jamoa safidagi birinchi golini urgan.

2014-yilda Joao Rojas jamoasiga CONCACAF Chempionlar Ligasida gʻolib chiqishga yordam bergan. 20-dekabr kuni klublar oʻrtasidagi jahon chempionatida Yangi Zelandiyaning „Auckland City“ jamoasiga qarshi oʻyinda u gol urgan. 2017-yil aprel oyida Qozonning „Rubin“ futbol klubi Joao Rojasga qiziqish bildirgan.

Xalqaro faoliyati

2009-yildan beri Joao Rojas Ekvador yoshlar terma jamoasi tarkibida Venesueladagi Janubiy Amerika yoshlar chempionatida oʻynagan. Peru yoshlar terma jamoasiga qarshi birinchi oʻyinda u ikkita gol urgan va jamoaning gʻalaba qozonishiga yordam bergan.

2008-yil 13-noyabrda Meksikaga qarshi oʻrtoqlik uchrashuvida Joao Rojas Ekvador terma jamoasi safida debyut qilgan. 2011-yil 12-noyabr kuni JCh-2014 saralash turniri doirasidagi Paragvay terma jamoasiga qarshi uchrashuvda u terma jamoa safidagi ilk golini urgan.

Statistikasi

Ekvador terma jamoasi safida

Manbalar

uz.wikipedia.org